قىرعىزستان پارلامەنتىنىڭ دەپۋتاتتارى «شەتەل اگەنتتەرى» تۋرالى زاڭدى ءبىرىنشى وقىلىمدا ماقۇلدادى، دەپ حابارلايدى «ادىرنا» ءتىلشىسى.
جوگوركۋ كەنەشتىڭ 52 دەپۋتاتى جاڭا زاڭدى ماقۇلداۋعا داۋىس بەرسە، جەتەۋى قارسى شىقتى.
قابىلدانعان زاڭ جوباسىنا سايكەس شەتەلدىك ىقپالمەن جۇمىس ىستەيتىن كوممەرتسيالىق ەمەس ۇيىمدارعا قاتىسى بار ازاماتتار بۇدان بىلاي 10 جىلعا دەيىن باس بوستاندىعىنان ايىرىلۋى مۇمكىن.
دەپۋتاتتاردىڭ شەشىمىنە بايلانىستى قىرعىزستاننىڭ بۇقارالىق اقپارات قۇرالدارى مەن ازاماتتىق قوعام وكىلدەرى ءتۇرلى ەلدىڭ، سونىڭ ىشىندە ەۋروپالىق وداق مۇشەلەرىنىڭ، ۇلىبريتانيانىڭ، اقش پەن شۆەيتساريانىڭ ەلشىلىكتەرىنە ۇندەۋ جولدادى.
«بۇل زاڭ جوباسى ەلدەگى دەموكراتيالىق كەڭىستىكتىڭ ايتارلىقتاي تارىلۋىنا اكەلەدى. سونداي-اق قىرعىزستان قابىلداعان بىرقاتار حالىقارالىق مىندەتتەمەگە قايشى كەلەدى. قۇجات كۇشىنە ەنگەن بويدا ەلدەگى كوممەرتسيالىق ەمەس ۇيىمداردىڭ ءبىرازى جابىلىپ، ەل ازاماتتارىنىڭ قۇقىعى ايتارلىقتاي شەكتەلۋى مۇمكىن»،— دەلىنگەن ۇندەۋدە.
