ءماجىلىستىڭ جالپى وتىرىسىندا «قازاقستاننىڭ كەيبىر زاڭنامالىق اكتىلەرىنە مەملەكەتتىك جاستار ساياساتى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ەكىنشى وقىلىمدا ماقۇلداندى، دەپ حابارلايدى “ادىرنا” ۇلتتىق پورتالى.
دەپۋتات ءجاميلا نۇرمانبەتوۆا قۇجات مەملەكەتتىك جاستار ساياساتى سالاسىن جەتىلدىرۋگە، قوعامدىق قاتىناستاردى كەشەندى رەتتەۋدىڭ ءتيىمدى قۇقىقتىق نەگىزىن قالىپتاستىرۋعا، جۇمىسپەن قامتۋدى قامتاماسىز ەتۋگە، جاستاردىڭ دامۋىنا قولايلى جاعداي جاساۋعا باعىتتالعانىن اتاپ ءوتتى.
“زاڭ جوباسىمەن جۇمىس بارىسىندا دەپۋتاتتار «جاستار» ۇعىمىنىڭ جاس شەگىن 29-دان 35 جاسقا دەيىن ۇلعايتۋعا باعىتتالعان تۇزەتۋ ەنگىزدى. بۇل – جاستاردىڭ الەۋمەتتىك بەلسەندىلىگىن ارتتىرۋعا ىقپال ەتەدى. جەرگىلىكتى اتقارۋشى ورگاندارعا جاستارعا جەڭىلدىكپەن جالعا بەرىلەتىن تۇرعىن ءۇي تاپسىرۋ جونىندەگى باعدارلامانى ازىرلەۋ جانە ىسكە اسىرۋ بويىنشا جاڭا قۇزىرەت بەرۋگە باعىتتالعان تۇزەتۋلەر ەنگىزدى”، - دەدى دەپۋتات.
ودان بولەك، ول پرەزيدەنتتىڭ بيىل 1 قىركۇيەكتەگى قازاقستان حالقىنا ارناعان جولداۋىن ىسكە اسىرۋ ءۇشىن دەپۋتاتتار زاڭ جوباسى اياسىندا الەۋمەتتىك بلوكقا قاتىستى ءتيىستى تۇزەتۋلەر ەنگىزگەنىن اتاپ ءوتتى.
«وسىعان بايلانىستى بالا كۇتىمى بويىنشا تولەمدەردى تاعايىنداۋ كەزەڭىنىڭ ۇزاقتىعىن 1,5 جاسقا دەيىن ۇلعايتۋ، ەڭ تومەن بازالىق زەينەتاقى مولشەرىن ەڭ تومەن كۇنكورىس دەڭگەيىنەن – 70% دەيىن، ەڭ جوعارى بازالىق زەينەتاقى مولشەرىن 120% دەيىن دايەكتى تۇردە جەتكىزۋ، ايەلدەر ءۇشىن زەينەتكەرلىككە شىعۋ جاسىن 2028 جىلعا دەيىن 61 جاس دەڭگەيىندە بەكىتۋ، سونداي-اق جاسىنا بايلانىستى زەينەتاقى تولەمدەرىن ەسەپتەۋ ءۇشىن تابىس شەگىن 46 ەسەلەنگەن ايلىق ەسەپتىك كورسەتكىشتەن 55 ەسەلەنگەن دەڭگەيگە دەيىن ۇلعايتۋ ەسكەرىلگەن.
«زاڭ جوباسى شەڭبەرىندە قارالاتىن ماسەلەلەر اياسىنىڭ كەڭەيۋىن ەسكەرىپ، دەپۋتاتتار زاڭ جوباسىنىڭ تاقىرىبىن «قازاقستاننىڭ كەيبىر زاڭنامالىق اكتىلەرىنە مەملەكەتتىك جاستار ساياساتى جانە الەۋمەتتىك قامسىزداندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» دەپ وزگەرتۋ جونىندە ۇسىنىس ەنگىزدى»، - دەدى ءجاميلا نۇرمانبەتوۆا.
ەسكە سالايىق، بيىل مەملەكەت باسشىسى قاسىم-جومارت توقاەۆ ايەلدەردىڭ زەينەت جاسىن 2028 جىلعا دەيىن 61 جاس دەڭگەيىندە قالدىرۋ تۋرالى تاپسىرما بەرگەن ەدى.
