تالدىقورعاندا تەمىرجول رەلسىنەن پروپان گازى تيەلگەن ەكى تسيستەرنا شىعىپ كەتتى. وقيعا تۇيىق تەمىرجول تارماعىندا بولعان، دەپ حابارلايدى “ادىرنا”.
الەۋمەتتىك جەلىلەردە وقيعا ورنىنان تۇسىرىلگەن ۆيدەو تارادى. ۆيدەو اۆتورى بۇل اۋماقتا جولدار جابىلعانىن ايتقان.
وبلىستىق توتەنشە جاعدايلار دەپارتامەنتىنىڭ مالىمەتىنشە، وقيعا ورنىنا 25 قىزمەتكەر مەن 7 تەحنيكا، سونداي-اق پوليتسيا جانە جەرگىلىكتى اتقارۋشى ورگان وكىلدەرى جۇمىلدىرىلعان. جەدەل شتاب قۇرىلعان. قاۋىپسىزدىك ماقساتىندا ابىلاي حان كوشەسىنىڭ اتالعان بولىگى ۋاقىتشا جابىلدى. تۇرعىندارعا سابىر ساقتاپ، قاۋىپسىزدىك شارالارىن ۇستانۋ ەسكەرتىلدى.
ۆەدومستۆونىڭ ناقتىلاۋىنشا، وقيعا سالدارىنان ەشكىم زارداپ شەككەن جوق.
"تەمىرجول توسەمىنە زيان كەلگەن جوق، جاعداي باقىلاۋدا، زارداپ شەككەندەر جوق", — دەپ حابارلادى دەپارتامەنت.
