25 قازان - رەسپۋبليكا كۇنىنە وراي وبلىس اكىمى سەرىك شاپكەنوۆتىڭ قاتىسۋىمەن مەملەكەتتىك تۋدى كوتەرۋ ءراسىمى ءوتتى. سالتاناتتى جيىندا ايماق باسشىسى تۇرعىنداردى مەرەكەمەن قۇتتىقتاپ، تاۋەلسىزدىگىمىزدىڭ تۇمارىنا اينالعان مەملەكەتتىك رامىزدەرىمىزدىڭ قۇندىلىعىن اتاپ ءوتتى، دەپ حابارلايدى وبلىس اكىمىنىڭ ءباسپاسوز قىزمەتى.
- 1990 جىلى ءدال وسى كۇندە ءبىز العاش رەت ءوزىمىزدىڭ ەگەمەندەگىمىزدى الىپ، 25 قازاندا دەكلاراتسيا قابىلداندى. سول ساتتەن بەرى ەلىمىز قارقىندى دامۋ ۇستىندە. ءبىز بۇگىنگى ۇلتتىق مەرەكەمىزدە كوك تۋىمىزدى بيىككە كوتەرىپ، اشىق اسپان استىندا جەلبىرەتۋدەمىز. تاۋەلسىزدىگىمىزدىڭ التىن كۇمبەزى سانالاتىن مەملەكەتتىك رامىزدەرىمىزدىڭ مارتەبەسى ارتا بەرسىن! ارقاشان جۇرتىمىز تىنىش، ەلىمىزدىڭ مارتەبەسى بيىك بولسىن! كوك تۋىمىزدىڭ استىندا ادىلەتتى قازاقستاندى بىرگە قۇرايىق! - دەدى س.شاپكەنوۆ.
سالتاناتتى جيىن جەرگىلىكتى ونەرپازداردىڭ مەرەكەلىك كونتسەرتىنە ۇلاستى.
