پرەمەر-مينيستر ءاليحان سمايىلوۆ قازاقستاندىقتاردى جاڭا جىلمەن قۇتتىقتادى، دەپ حابارلايدى “ادىرنا” ۇلتتىق پورتالى.
“قۇرمەتتى قازاقستاندىقتار! سىزدەردى جاڭا 2023 جىلمەن شىن جۇرەكتەن قۇتتىقتايمىن! وتكەن جىل تاۋەلسىز ەلىمىز ءۇشىن ايتۋلى جىل بولدى. ءبىز دامۋدىڭ جاڭا كەزەڭىنە قادام باستىق. رەفەرەندۋم، كونستيتۋتسيالىق رەفورمالاردىڭ باستالۋى، پرەزيدەنت سايلاۋى – بۇلاردىڭ بارلىعى «ادىلەتتى قازاقستاننىڭ» نەگىزىن قالادى. 2022 جىل وڭاي بولعان جوق. دەگەنمەن، ول ءبىزدىڭ ءوز بىرلىگمىزدى كۇشەيتىپ، سەنىمىمىزدى ارتتىردى. بيىل ءبىزدى بۇدان دا اۋقىمدى جۇمىس كۇتىپ تۇر. بارلىق قازاقستاندىقتاردىڭ ءال-اۋقاتىن ارتتىرۋ ءۇشىن ەلىمىزدىڭ الەۋمەتتىك-ەكونوميكالىق دامۋ مىندەتتەرىن ىسكە اسىرۋ جاڭا قارقىنمەن جالعاسىن تابادى. 2023 جىل حالقىمىز بەن ەلىمىز ءۇشىن ورلەۋ، تابىس، بىرلىك جانە وركەندەۋ جىلى بولسىن. قولعا العان بارلىق ىستەرىڭىز وڭعا باسسىن. بارشاڭىزعا مىقتى دەنساۋلىق، كوتەرىڭكى كوڭىل-كۇي تىلەيمىن. جاڭا جىل تەك جاقسىلىق اكەلسىن!” – دەدى ءاليحان سمايىلوۆ.
