Көп ұзамай халқымыздың саны 20 миллионға жетеді. Бұл туралы Мемлекеттік наградалар мен сыйлықтар тапсыруға арналған салтанатты рәсімде Президент Қасым-Жомарт Тоқаев айтты, деп хабарлайды “Адырна” ұлттық порталы.
Қазақстан әлеуметтік салада айтарлықтай табысқа қол жеткізді. Қиындығы көп болған тоқсаныншы жылдарда халық саны күрт азайды. Біз қазіргі таңда осы демографиялық құлдырауды еңсердік. Көп ұзамай халқымыздың саны 20 миллионға жетеді. Бұл еліміздің тұрақты дамуының айқын көрінісі деуге болады.
«Ұлттық қор – балаларға» бастамасын жүзеге асыру үшін тиісті заң қабылданды. Небәрі екі айдан кейін балаларымыздың есеп-шотына қаржы түсе бастайды, - деді Мемлекет басшысы.
