ۇكىمەت «قازاقستان اۆياتسيالىق قاۋىپسىزدىك قىزمەتىن» قۇرۋدى ۇسىندى. بۇل تۋرالى «اشىق نقا» پورتالىندا جاريالانعان زاڭ جوباسىنىڭ سالىستىرما كەستەسىندە. جاريالاندى، دەپ حابارلايدى “ادىرنا” ۇلتتىق پورتالى.
مۇنداي شەشىم “قاڭتار وقيعاسى كەزىندەگى اۋەجايدىڭ ناشار كۇزەتىلۋىنە” بايلانىستى قابىلدانعان.
قاڭتار وقيعاسى اۋەجايلاردىڭ دەسترۋكتيۆتى ازاماتتاردىڭ ارەكەتىنەن ستراتەگيالىق نىسان رەتىندە وسالدىعىن كورسەتتى. قازاقستاننىڭ اۆياتسيالىق قاۋىپسىزدىك قىزمەتى اۋەجايدىڭ بىرىڭعاي باسشىلىققا باعىنۋىن، قاۋىپسىزدىك قىزمەتىنىڭ ماتەريالدىق تاۋەلدىلىگىن الدىن الا انىقتايدى، - دەلىنگەن قۇجاتتا.ياعني، اۋەجايدىڭ قاۋىپسىزدىگىنە قاتىستى جاۋاپكەرشىلىكتىڭ نەگىزگى بولىگى وسى ۆەدومستۆوعا بەرىلەدى. بۇل شەشىم حالىقارالىق تاجىريبەگە نەگىزدەلگەن. ماسەلەن، كەيبىر ەۋروپا ەلدەرىندە اۆياتسيالىق قاۋىپسىزدىك قىزمەتتەرى اۋتسورسيڭ ارقىلى نەمەسە قاداعالاۋ فۋنكتسيالارى بار مەملەكەتتىك كاسىپورىنداردىڭ باقىلاۋىمەن اۋەجاي وپەراتورلارىنان بولەك جۇمىس ىستەيدى.
ۇقساس جاڭالىقتار
