سەناتور مۇحتار قۇل-مۇحاممەد: ۇكىمەت وتستاۆكاعا كەتۋى قاجەت!

8508

قازاقستان ۇكىمەتى وتستاۆكاعا كەتۋى كەرەك. بۇل تۋرالى پارلامەنت وتىرىسىندا سەناتورلاردىڭ ءبىرى ايتتى. دەپۋتاتتاردىڭ ايتۋىنشا، بۇعان باستى سەبەپ اسقار مامين باسقاراتىن مينيسترلەر كابينەتىنىڭ ازىق-تۇلىك باعاسىنىڭ وسۋىنە جول بەرىپ العاندىعى، دەپ حابارلايدى "ادىرنا" ۇلتتىق پورتالى.

پاندەميا كەزەڭى باستالعالى ءبىر جارىم جىلدان كەيىن جۋرناليستەردى العاش رەت پارلامەنت عيماراتىنا كىرگىزدى. وندا دەپۋتاتتار ءۇش جىلعا ارنالعان ەلدىڭ بيۋدجەتىن تالقىلادى.

دەپۋتاتتار ازىق-تۇلىك باعاسىنىڭ وسۋىنە قاتىستى دا ءبىراز تارتىستى. ولارعا اسىرەسە جەرگىلىكتى كوكونىس، ەت پەن نان سەكىلدى ونىمدەردىڭ باعاسىنىڭ تىم ءوسىپ كەتكەنى تۇسىنىكسىز. شەنەۋنىكتەر بۇل ماسەلەگە جاھاندىق ينفلياتسيانى كىنالادى.


- بىرقاتار وڭىرلەردە ەگىن ونىمدەرىنىڭ ءوسىمى تومەن بولعانىن ەسكەرسەك، شارۋالاردىڭ شىعىنى كوپ بولدى، ال بۇل ءوز كەزەگىندە استىق قۇنىنىڭ وسۋىنە اكەلدى. وسى سەبەپتى ارينە، استىق باعاسىنىڭ قىمباتتاۋى، ءبىر جاعىنان، ديقاندارىمىزدىڭ قارجىلىق جاعدايىنا وڭ اسەرىن تيگىزدى. ولاردىڭ كەلەسى جىلعا دا دايىندالۋلارى قاجەت قوي", - دەيدى اۋىل شارۋاشىلىعى ءمينيسترى ەربول قاراشۇكەەۆ.

ۇزاق ۋاقىت نۇر-سۇلتان قالاسىندا تۇرىپ، كەيىن وزبەكستانعا ورالعان سيروجيددين جوراەۆتىڭ ايتۋىنشا، ونىڭ ەلىندە ازىق-تۇلىكتىڭ باعاسى الدەقايدا تومەن. اسىرەسە كوكونىستەر. ال ەتتىڭ باعاسى بىزدىكىمەن بىردەي.

- ەتتىڭ باعاسى شامامەن بىردەي. سيىر ەتى – 2500, قوي ەتى – 2800, ال تاۋىق ەتى – 1000 تەڭگە. الايدا استانادان ارزانىراق ساتىپ الۋعا بولادى. سەبەبى، وزبەكستاندا كوپشىلىگى مال ۇستامايدى، سوندىقتان قىمبات، - دەيدى سيروجيددين جوراەۆ.

ەلدەگى قازىرگى جاعدايعا قاراپ، ۇكىمەت بۇل تاپسىرمانى ءساتتى ورىنداۋدا دەپ ايتۋ قيىن. دەپۋتاتتاردىڭ كوپشىلىگى بيلىك پارتياسىنىڭ وكىلى بولىپ تابىلاتىن سەنات تا قازىرگى مينيسترلەر كابينەتىنىڭ مۇمكىندىكتەرىنە كۇمانمەن قارايدى. پارلامەنت قابىرعاسىندا ءتىپتى وتستاۆكا جايىندا ءسوز قوزعالا باستاعان.

- بيلىكتىڭ باستى مىندەتى – ازىق-تۇلىك باعاسىن تومەندەتۋ. بىراق وندىرۋشىلەر تاراپىنان ادەيى جاسالىپ جاتقان ارەكەت سەكىلدى كورىنەدى. ەگەر مينيسترلەر كابينەتى ينفلياتسيانى توقتاتا الماسا، ونى باسقا ادامدار ىستەۋ كەرەك. مەنىڭ ويىمشا ەگەر بيلىك بەرىلگەن تاپسىرمانى دۇرىس ورىنداي الماسا، وندا وتستاۆكاعا كەتۋى قاجەت. ال ازىرگە ولاردىڭ جۇمىسىن 3 دەپ باعالايمىز، - دەدى قر پارلامەنت سەناتىنىڭ دەپۋتاتى مۇحتار قۇل-مۇحاممەد.

"ادىرنا" ۇلتتىق پورتالى

پىكىرلەر
ۇقساس جاڭالىقتار
Серіктес/Партнер
Студия IMA - создание сайтов