يزرايل بيلىگى ءبىلىم بەرۋ باعدارلامالارىنان گرەتا تۋنبەرگتى الىپ تاستايدى. وعان بىرنەشە كۇن بۇرىن Twitter-دە جاريالاعان پالەستينانى قولدايتىن جازباسى سەبەپ بولدى، دەپ حابارلايدى “ادىرنا” ۇلتتىق پورتالى.
جەلىدەگى جازباسىندا گرەتا تۋنبەرگ تەز ارادا اتىستى توقتاتۋعا، پالەستينالىقتارعا، سونداي-اق زارداپ شەككەن بارلىق بەيبىت تۇرعىندارعا ادىلدىك پەن بوستاندىققا شاقىردى.
حاماس – بالالار، ايەلدەر مەن قارتتاردى قوسا العاندا، 1400 جازىقسىز يزرايلدىكتىڭ ولتىرىلۋىنە جانە 200-دەن استام ادامنىڭ ۇرلانۋىنا جاۋاپتى لاڭكەستىك ۇيىم. بۇل ۇستانىم ونىڭ ءبىلىم بەرۋ جانە مورالدىق ۇلگى بولۋ قۇقىعىن جوققا شىعارادى جانە ونىڭ بۇدان بىلاي يزرايلدىك ستۋدەنتتەردى شابىتتاندىرۋعا جانە تالىمگەرلىك ەتۋگە قۇقىعى جوق، - دەدى ءيزرايلدىڭ ءبىلىم مينيسترلىگى.
ايتا كەتسەك, بەلسەندىنىڭ جازباسى ءارتۇرلى رەاكتسيا تۋدىردى. جۇزدەن استام يزرايلدىك ەكولوگتار مەن بەلسەندىلەر حاماستىڭ يزرايلگە جاساعان شابۋىلىنىڭ سالدارى تۋرالى ەگجەي-تەگجەيلى جازىلعان تۋنبەرگكە قارسى ۇجىمدىق حاتقا قول قويدى. اۆتورلار ونى ءۇستىرت جانە يزرايل-پالەستينا قاقتىعىسىن جوققا شىعاردى دەپ ايىپتادى. ولاردىڭ پىكىرىنشە، پالەستينانى قولداۋ ونىڭ بەلسەندىلىگىنىڭ ماڭىزدىلىعى مەن نەگىزدىلىگىنە كۇمان كەلتىرۋى مۇمكىن.
