مىنە، كوپ جايدىڭ بەتىنىڭ اشىلعانىن وسىندان بىلە بەرۋگە بولادى.
12 مارىم كۇنى رەسەيدىڭ سىرتقى ىستەر ءمينيسترىنىڭ ورىنباسارى ميحايل بوگدانوۆ "حاماس" يسلامدىق تەررورلىق ۇيىمىنىڭ ساياي بيۋروسىنىڭ توراعاسى مۇسا ءابۋ-مارزۇقپەن سويلەستى. رەسەيدىڭ سىرتقى ىستەر مينيسترلىگىنىڭ رەسمي سايتىندا رەسەيدىڭ پالەستينالىق تەررورلىق ۇيىمدى قولدايتىنى رەسمي ايتىلدى.
"حاماس" يسلامدىق تەررورلىق ۇيىمىنىڭ ساياي بيۋروسىنىڭ توراعاسى مۇسا ءابۋ-مارزۇق ءال-اقساداعى جاعدايعا بايلانىستى "ەگەر دە حالىقارالىق قاۋىمداستىق يزرايلگە قىسىم جاساۋدى باستاسا، ءبىز دە سوعىستى توقتاتامىز" دەپ مالىمدەدى.
بۇنىڭ حالىقارالىق قاۋىمداستىقتان يزرايلگە قىسىم جاساۋىن سۇراپ وتىرعانى تۇسىنىكسىز.
رەسەيدىڭ سىرتقى ىستەر ءمينيسترىنىڭ ورىنباسارى سەرگەي ۆەرشينين ءيزرايلدىڭ قازىرگى يەرۋسساليمگە قاتىستى تاريحي، دەموگرافيالىق، گەوگرافيالىق ستاتۋسىن قايتارىپ، زاڭسىزدىققا نۇكتە قويعانى دۇرىس دەدى، ريا نوۆوستي پورتالىندا.
ال، "حەزبوللا" تەررورلىق ۇيىمى يراننىڭ جاعىنان ءۇن قاتىپ، پالەستينانى قۇتقارۋدىڭ جاڭا فورماتىن جاساعالى وتىر.
يزرايل مەن پالەستينا اراسىنداعى قاقتىعىستان 110-نان اسا ادام قايتىس بولدى. 621 ادام اۋىر جاراقات العان. كەلتىرىلگەن مالىمەتتەر بويىنشا ءيزرايلدىڭ 7 ازاماتى قازا تاپقان. قالعان قازا تاپقانداردىڭ بارلىعى پالەستينالىقتار. يزرايل تاراپى گازا سەكتورىن باسىپ الامىز دەپ بەكىنگەن سياقتى. ال، پالەستيناعا 300 ميلليون حالىقتى قۇرايتىن 21 اراب مەملەكەتىنىڭ ءبىر دە بىرەۋى تىم بولماسا سوزبەن قولداۋ جاساۋعا جاراماي تۇر.
بەكبولات قارجان،
"ادىرنا" ۇلتتىق پورتالى
