بىرىككەن ۇلتتار ۇيىمىنىڭ باس حاتشىسى انتونيۋ گۋتەرريش سوڭعى 24 ساعاتتا گازا سەكتورىنداعى بۇۇ-نىڭ پالەستينالىق بوسقىندارعا كومەك كورسەتۋ جانە جۇمىس جونىندەگى اگەنتتىگىنىڭ (UNRWA) ەكى مەكتەبىنە جاسالعان شابۋىلدان قاتتى شوشىنعانىن ايتتى، دەپ حابارلايدى «ادىرنا» ۇلتتىق پورتالى.
گۋتەرريش مىڭداعان پالەستينالىقتاردىڭ بۇۇ نىساندارىن پانالاعانىن ەسكە سالىپ:
«ءبىزدىڭ نىساندارعا قول سۇعىلمايدى، مەن ونى راستايمىن»، - دەدى ول
باس حاتشى بۇۇ نىساندارىن پانالاعان ونداعان ادامنىڭ، سونىڭ ىشىندە بالالار مەن ايەلدەردىڭ قازا تاپقانىن جانە جارالانعانىن اتاپ ءوتتى.
«سوعىس كۇن سايىن بەيبىت تۇرعىندار، سونىڭ ىشىندە ايەلدەر مەن بالالار اراسىندا ورىنسىز قۇرباندىقتارعا اكەلەدى. مۇنى قازىر دەرەۋ توقتاتۋ كەرەك »، - دەدى گۋتەرريش.
ول تاعى دا پالەستينا ەكسكلاۆىندا گۋمانيتارلىق كەلىسىمگە شاقىرۋىن قايتالادى.
سونداي-اق گۋتەرريش كاتار ۇكىمەتىنە دەلدالدىق باستامالارى ءۇشىن العىس ءبىلدىردى.
