Izraıl bıligi bilim berý baǵdarlamalarynan Greta Týnbergti alyp tastaıdy. Oǵan birneshe kún buryn Twitter-de jarııalaǵan Palestınany qoldaıtyn jazbasy sebep boldy, dep habarlaıdy “Adyrna” ulttyq portaly.
Jelidegi jazbasynda Greta Týnberg tez arada atysty toqtatýǵa, palestınalyqtarǵa, sondaı-aq zardap shekken barlyq beıbit turǵyndarǵa ádildik pen bostandyqqa shaqyrdy.
HAMAS – balalar, áıelder men qarttardy qosa alǵanda, 1400 jazyqsyz ızraıldiktiń óltirilýine jáne 200-den astam adamnyń urlanýyna jaýapty lańkestik uıym. Bul ustanym onyń bilim berý jáne moraldyq úlgi bolý quqyǵyn joqqa shyǵarady jáne onyń budan bylaı ızraıldik stýdentterdi shabyttandyrýǵa jáne tálimgerlik etýge quqyǵy joq, - dedi Izraıldiń Bilim mınıstrligi.
Aıta ketsek, belsendiniń jazbasy ártúrli reakııa týdyrdy. Júzden astam ızraıldik ekologtar men belsendiler Hamastyń Izraılge jasaǵan shabýylynyń saldary týraly egjeı-tegjeıli jazylǵan Týnbergke qarsy ujymdyq hatqa qol qoıdy. Avtorlar ony ústirt jáne Izraıl-Palestına qaqtyǵysyn joqqa shyǵardy dep aıyptady. Olardyń pikirinshe, Palestınany qoldaý onyń belsendiliginiń mańyzdylyǵy men negizdiligine kúmán keltirýi múmkin.
