قارجىلىق مونيتورينگ اگەنتتىگى قايرات بورانباەۆ وزىنە قاتىستى ءجۇرىپ جاتقان تەرگەۋ امالدارى اياسىندا ءوز ەركىمەن ءبىلىم بەرۋ ينفراقۇرىلىمىن قولداۋ قورىنا 30 ملرد تەڭگەدەن استام قارجى اۋدارعانىن ايتتى، دەپ حابارلايدى «ادىرنا» ۇلتتىق پورتالى.
«قايرات بورانباەۆقا قاتىستى جۇرگىزىلىپ جاتقان سوتقا دەيىنگى تەرگەپ-تەكسەرۋ اياسىندا ول ءوز ەركىمەن تەرگەۋمەن ىنتىماقتاسۋ نيەتى تۋرالى مالىمدەدى. بورانباەۆقا تيەسىلى كومپانيالار شەتەلدەن قايتارىلعان قاراجات تۇرىندە ءبىلىم بەرۋ ينفراقۇرىلىمىن قولداۋ قورىنا 66 ملن اقش دوللارىن، ياعني 30 ملرد تەڭگەدەن استام قارجى اۋداردى»، - دەلىنگەن اقپاراتتا.
ەسكە سالايىق، كوگىلدىر وتىندى اكەلۋ كەزىندە قاراجات ۇرلاۋ فاكتىسى بويىنشا جۇرگىزىلگەن تەرگەۋ اياسىندا بورانباەۆ 14,5 ملرد تەڭگە كولەمىندە ماتەريالدىق شىعىندى وتەگەن بولاتىن. بۇل قاراجات قولدانىستاعى زاڭناماعا سايكەس ءبىلىم بەرۋ سالاسىن قولداۋعا، مەكتەپتەر مەن باسقا دا وقۋ ورىندارىن سالۋعا جانە قايتا جاڭارتۋعا، سونداي-اق بۇكىل رەسپۋبليكا بويىنشا الەۋمەتتىك سالاعا باعىتتالادى (قر بيۋدجەت كودەكسى 52-3 باپ) دەپ جوسپارلانعان.
سونداي-اق كەشە ق.بورانباەۆ قۇنى 1,4 ملرد تەڭگە بولاتىن قوناق ءۇيىن مەملەكەت مەنشىگىنە بەرگەنىن جازعان ەدىك.
«ادىرنا» ۇلتتىق پورتالى
