قايرات بورانباەۆ قۇنى 1,4 ميلليارد تەڭگەدەن اساتىن قوناق ءۇي كەشەنىن مەملەكەتكە قايتاردى. بۇل تۋرالى تەرگەۋ مەن ەرىكتى ىنتىماقتاستىق اياسىندا قارجى مونيتورينگ اگەنتتىگى قايرات بورانباەۆتىڭ مۇلكىن مەملەكەتكە قايتارۋ شارالارىن قابىلداۋدا، دەپ حابارلايدى “ادىرنا” ۇلتتىق پورتالى.
قايرات بورانباەۆتىڭ كومپانيالارى مەملەكەتتىك مۇلىك كوميتەتىنە جالپى قۇنى 1,4 ميلليارد تەڭگەدەن اساتىن "Comfort Hotel Astana" قوناق ءۇي كەشەنىن مەملەكەت مەنشىگىنە ءوز ەركىمەن بەرۋ ءۇشىن ءتيىستى وتىنىمدەر بەردى. اۋماعى 5 مىڭ شارشى مەتردەن اساتىن بۇل قوناقۇي كەشەنىنىڭ جىلدىق اينالىمى 900 ميلليون تەڭگەگە جۋىقتايدى.
قولدانىستاعى زاڭناماعا سايكەس بۇل نىساندى دەمالىس، ساۋىقتىرۋ جانە ءبىلىم بەرۋ ورتالىقتارىن ۇيىمداستىرۋمەن الەۋمەتتىك ماقساتتا پايدالانۋ جوسپارلانۋدا. اكتيۆتەردى قالپىنا كەلتىرۋ جۇمىستارى جالعاسىپ جاتىر.
ايتا كەتەيىك، وتكەن جىلدىڭ ناۋرىز ايىندا قارجى مونيتورينگى اگەنتتىگى قايرات بورانباەۆقا قاتىستى كۆازيمەملەكەتتىك سەكتورداعى اسا ءىرى كولەمدەگى قاراجاتتى ۇرلاۋ فاكتىسى بويىنشا تەرگەۋدى باستاعان بولاتىن. 17 ناۋرىزدا ەلوردالىق سوت قايرات بورانباەۆتىڭ قاماۋعا الىنعانىن حابارلادى. ول "قازترانسگاز" اق-نىڭ اقشاسىن جىمقىرعانى ءۇشىن 6 جىلعا سوتتالدى. كەيىن كاسىپكەر اقمولا وبلىسىنداعى قاۋىپسىزدىگى ورتاشا كولونياعا اۋىستىرىلدى.
