شىمكەنتتىك كاسىپكەرلەر مەملەكەتتەن بولىنگەن 1 ميلليون 225 مىڭ تەڭگە كولەمىندەگى قارجىلاي كومەكتى توي، قۇدالىق، نەسيەنى وتەۋگە جۇمساعان، دەپ حابارلايدى “ادىرنا” ۇلتتىق پورتالى.
شىمكەنت قالالىق جۇمىسپەن قامتۋدى ۇيلەستىرۋ جانە حالىقتى الەۋمەتتىك قورعاۋ باسقارماسى باسشىسى بالمارجان ناربەكوۆانىڭ ايتۋىنشا، 2021 جىلى 23 شىمكەنتتىك مەملەكەتتىك گرانتتى وسىلايشا جۇمساعان. قايتارىلماس گرانتتاردى ءوز مۇقتاجدارىنا جۇمساعان ءىسىن جاڭا باستاعان كاسىپكەرلەر جاۋاپقا تارتىلىپ، قارجىسى قازىناعا قايتارىلدى.
"قارىزداردى وتەۋگە، نەسيەلەردى وتەۋگە، ۇيلەنۋ تويلارىنا اقشا الۋعا بولمايدى. ءبارىنىڭ سۇراۋى بار، از سوما ەمەس - 1 ميلليون 225 مىڭ تەڭگە. بۇل اقشا بيزنەستى جاقسارتۋعا جانە كاسىپكەر وزىنە جانە قالانىڭ باسقا تۇرعىندارىنا جۇمىس تابۋى ءۇشىن بەرىلەدى. ەندى ەرەجە بار: توقسان سايىن ەسەپ بەرۋدى تالاپ ەتەمىز. قانداي دا ءبىر زاڭبۇزۋشىلىقتار انىقتالعان جاعدايدا جاۋاپقا تارتامىز. سوندىقتان ءبارىن وسى ماسەلەگە بايىپپەن قاراۋدى سۇرايمىز"", - دەدى بالمارجان ناربەكوۆا بريفينگتە.
”ادىرنا” ۇلتتىق پورتالى
