Qairat Boranbaev qūny 1,4 milliard teŋgeden asatyn qonaq üi keşenın memleketke qaitardy. Būl turaly Tergeu men erıktı yntymaqtastyq aiasynda qarjy monitoring agenttıgı Qairat Boranbaevtyŋ mülkın memleketke qaitaru şaralaryn qabyldauda, dep habarlaidy “Adyrna” ūlttyq portaly.
Qairat Boranbaevtyŋ kompaniialary memlekettık mülık komitetıne jalpy qūny 1,4 milliard teŋgeden asatyn "Comfort Hotel Astana" qonaq üi keşenın memleket menşıgıne öz erkımen beru üşın tiıstı ötınımder berdı. Aumaǧy 5 myŋ şarşy metrden asatyn būl qonaqüi keşenınıŋ jyldyq ainalymy 900 million teŋgege juyqtaidy.
Qoldanystaǧy zaŋnamaǧa säikes būl nysandy demalys, sauyqtyru jäne bılım beru ortalyqtaryn ūiymdastyrumen äleumettık maqsatta paidalanu josparlanuda. Aktivterdı qalpyna keltıru jūmystary jalǧasyp jatyr.
Aita keteiık, ötken jyldyŋ nauryz aiynda Qarjy monitoringı agenttıgı Qairat Boranbaevqa qatysty kvazimemlekettık sektordaǧy asa ırı kölemdegı qarajatty ūrlau faktısı boiynşa tergeudı bastaǧan bolatyn. 17 nauryzda elordalyq sot Qairat Boranbaevtyŋ qamauǧa alynǧanyn habarlady. Ol "QazTransGaz" AQ-nyŋ aqşasyn jymqyrǧany üşın 6 jylǧa sottaldy. Keiın käsıpker Aqmola oblysyndaǧy qauıpsızdıgı ortaşa koloniiaǧa auystyryldy.
