16 قازان قازاقستاندا نان كۇنى اتالىپ وتەدى. بۇل تۋرالى اۋىل شارۋاشىلىعى مينيسترلىگى ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
بۇل كۇن 2019 جىلى ۇكىمەتتىڭ قاۋلىسىمەن بەكىتىلىپ، استىق ونىمدەرىنىڭ مارتەبەسىن نىعايتۋعا باعىتتالعان.
وتاندىق شارۋالاردىڭ ەڭبەگىنىڭ ارقاسىندا ەلىمىز ايتارلىقتاي استىق رەسۋرستارىنا يە جانە ازىق-تۇلىك نارىعىنىڭ ماڭىزدى قاتىسۋشىسى سانالادى. بيىلعى جىل نان وسىرۋشىلەر ءۇشىن قيىن بولدى. الايدا بارلىق سىن-تەگەۋرىنگە، قولايسىز اۋا رايى جاعدايلارىنا قاراماستان، قازاقستان ىشكى نارىقتى بيدايدىڭ قاجەتتى كولەمىمەن تولىق قامتاماسىز ەتتى. سونداي-اق ءوزىنىڭ ەكسپورتتىق الەۋەتىن دە ساقتايدى. بۇگىنگى تاڭدا رەسپۋبليكا بويىنشا استىق جيناۋ ناۋقانى اياقتالۋدا، جۇمىستار 15,6 ملن گەكتارعا (90,2%) جۇرگىزىلدى. ورتاشا ونىمدىلىگى 9,3 تس/گا بولعان كەزدە ديقاندار 14,6 ملن توننا استىق باستىردى. مەرەكە قۇتتى بولسىن، قۇرمەتتى سالا قىزمەتكەرلەرى! سىزگە جانە ءسىزدىڭ جاقىندارىڭىزعا باق-بەرەكە تىلەيمىن!، - دەلىنگەن ۆەدومستۆو حابارلاماسىندا.
ۇقساس جاڭالىقتار
