2022 جىلدىڭ 9 ايىنىڭ قورىتىندىسى بويىنشا قازاقستاندا جۇمىس ىستەپ جاتقان ماكارون ونىمدەرىن شىعاراتىن 40 كاسىپورىن 122,8 مىڭ توننا ءونىم ءوندىردى. بىلتىرعى ۇقساس كەزەڭمەن سالىستىرعاندا كورسەتكىشتەردىڭ 5,8% - عا ءوسۋى بايقالادى. بۇل رەتتە قازاقستاندىقتار جىل سايىن ورتا ەسەپپەن 130 مىڭ تونناعا جۋىق ماكارون تۇتىنادى. بۇل تۋرالى قازاقستان رەسپۋبليكاسىنىڭ اۋىل شارۋاشىلىعى مينيسترلىگى مالىمدەدى، دەپ حابارلايدى “ادىرنا” ۇلتتىق پورتالى
ەكسپورتقا كەلەتىن بولساق، شەتەلگە 47,1 مىڭ توننا ساتىلدى، بۇل كولەم 2021 جىلدىڭ ۇقساس كەزەڭىنىڭ دەڭگەيىندە قالدى. قازاقستاندىق ماكاروننىڭ نەگىزگى تۇتىنۋشىلارى رەسەي، وزبەكستان جانە تاجىكستان بولىپ وتىر.
سونداي-اق ماكارون ونىمدەرىنىڭ از كولەمى قازاقستانعا يمپورتتالا باستادى. قاڭتاردان قىركۇيەككە دەيىنگى كەزەڭدە ەلگە تەك 23,4 مىڭ توننا شەتەلدىك ءونىم اكەلىندى، بۇل كورسەتكىش 8,2% - عا تومەندەدى. سالىستىرۋ ءۇشىن ايتا كەتەيىك، 2021 جىلدىڭ وسى كەزەڭىندە 25,5 مىڭ توننا يمپورتتالعان بولاتىن.
