ەلوردا مەشىتىندە تۇرعىن ءوزىنىڭ ەسكى اياق كيىمىن تاستاپ 800 مىڭ تۇراتىن اياق كيىمدى كيىپ كەتكەن. پوليتسيا قىزمەتكەرلەرى استانا مەشىتىندە اياق كيىم ۇرلاۋ فاكتىسى بويىنشا پب-عا قالا تۇرعىنى جۇگىنگەنىن مالىمدەدى، دەپ حابارلايدى «ادىرنا» ۇلتتىق پورتالى.
KYN.KZ مالىمەتىنشە، اتالعان ىسكە سوتقا دەيىنگى تەرگەۋ امالدارى جۇرگىزىلىپ جاتىر. جۇما نامازىنا كەلگەن جابىرلەنۋشى قايتاردا كروسسوۆكاسىن تاپپاي قالعانىن ايتقان. جەدەل-ىزدەستىرۋ ءىس-شارالارى بارىسىندا ەسىل اۋدانىنىڭ پوليتسەيلەرى ۇرلىققا قاتىسى بار دەگەن كۇدىكپەن قالانىڭ 27 جاستاعى تۇرعىنىن انىقتادى. تەرگەۋ بارىسىندا ەر ادامنىڭ تۇسكى ساعات 14:00 شاماسىندا قابانباي باتىر داڭعىلىندا ورنالاسقان مەشىتكە بارعانى بەلگىلى بولدى. كەلۋشىلەردىڭ اياق كيىمدەرىنىڭ بىرىنە كوزى تۇسكەن كۇدىكتى، ەشكىم بايقاماي تۇرعان ءساتتى پايدالانىپ، قۇنى 800 مىڭ تەڭگە تۇراتىن Stefano Richi برەندىنىڭ كروسسوۆكاسىن كيىپ كەتكەن. اتالعان فاكتى بويىنشا سوتقا دەيىنگى تەرگەۋ امالدارى جۇرگىزىلىپ جاتىر. ەر ادام ءوز قىلمىسىن مويىندادى. ونىڭ ەلوردا اۋماعىندا بۇرىن جاسالعان وسىعان ۇقساس قىلمىستارعا قاتىسىنىڭ بار-جوعى تەكسەرىلىپ جاتىر.«ادىرنا» ۇلتتىق پورتالى
ۇقساس جاڭالىقتار
