انتيكور مەملەكەت باسشىسىنىڭ زاڭسىز شىعارىلعان اكتيۆتەردى ىزدەۋ جانە قايتارۋ جونىندەگى تاپسىرماسىن ورىنداۋ شەڭبەرىندە ادىلەت ەكس-ءمينيسترىن لاۋازىمدىق وكىلەتتىكتەرىن اسىرا پايدالاندى دەگەن كۇدىك بويىنشا ۇستادى، دەپ حابارلايدى «ادىرنا» ۇلتتىق پورتالى.
«ول تالاپ ەتىلمەيتىن قىزمەتتەردى كورسەتۋگە جىل سايىنعى كەلىسىمشارتتار جاساۋ ارقىلى ۇلەستەس كومپانيانىڭ مۇددەلەرىن قولدادى. بۇل ارەكەت مەملەكەتكە ۇلكەن زيان كەلتىردى»، – دەلىنگەن اگەنتتىك حابارلاماسىندا.اگەنتتىك اكتيۆتەردى قايتارۋ بويىنشا جۇمىس جالعاسىپ جاتقانىن حابارلادى. قىلمىستىق-پروتسەستىك كودەكسىنىڭ 201-بابىنا سايكەس وزگە اقپارات جاريا ەتۋگە جاتپايدى. سونىمەن بىرگە كونستيتۋتسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروتسەستىك كودەكسىنىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى.
«ادىرنا» ۇلتتىق پورتالى
ۇقساس جاڭالىقتار
