تۇركيادا ءزىلزالا كەزىندە قيراعان عيماراتتاردىڭ ساپاسىنا قاتىسى بار 612 ادامعا قاتىستى تەرگەۋ باستالدى. بۇل تۋرالى تۇركيانىڭ Associated Press اگەنتتىگى جاريالادى، دەپ حابارلايدى “ادىرنا” ۇلتتىق پورتالى.
عيماراتتارداعى ايعاقتاردىڭ تابىلۋى قىلمىستىق تەرگەۋگە نەگىز بولادى، - دەدى بوزداگ.
ايتا كەتەيىك، 6 اقپاندا تۇركيانىڭ وڭتۇستىگى مەن سيريانىڭ سولتۇستىگىندە 48 مىڭعا جۋىق ادامنىڭ ءومىرىن قيعان 7,8 باللدىق جەر سىلكىنىسىنىڭ سالدارى تۇرىكتەردى قيراعان نەمەسە قاتتى زاقىمدانعان 173 000 عيماراتتىڭ قۇرىلىمدىق تۇتاستىعىنا كۇمان كەلتىرۋگە ءماجبۇر ەتتى. ماماندار قيراعان ۇيلەردىڭ كوبى ساپاسىز ماتەريالداردان سالىنعانىن جانە كوبىنەسە مەملەكەتتىك ستاندارتقا ساي كەلمەيتىنىن ايتادى.
تۇرىك ارنالارى تۇركيادا جەر سىلكىنىسى مەن عيمارتتاردىڭ قيراۋ قاۋپى ءالى سەيىلمەگەنىن حابارلايدى. AFAD توتەنشە جاعدايلاردىڭ الدىن الۋ جانە جويۋ اگەنتتىگىنىڭ مالىمەتىنشە، 6 اقپاننان بەرى ەلدە 9470 افتەرشوك بولعان.
بۇل ۇزاق ۋاقىتقا سوزىلادى. ءبىز بۇل جەر استى دۇمپۋلەرى كەم دەگەندە ەكى جىلعا سوزىلادى دەپ كۇتەمىز، - دەدى AFAD باس ديرەكتورى ورحان تاتار.
بۇعان دەيىن تۇركيادا ءتارتىپ ساقشىلارى عيماراتتاردىڭ جاپپاي وپىرىلۋىنا قاتىسى بار گازيانتەپتەگى نۇرداعى اۋدانىنىڭ اكىمى وككەش كاۆاكتى ۇستاعان بولاتىن.
