تۇركىستان وبلىسىنىڭ اكىمى دارحان ساتىبالدى قىتايلىق «Zhejiang Navas Industry and trade Co LTD» كومپانياسىنىڭ باسشىلارىمەن كەزدەستى. ولار تۇركىستان وبلىسىنان جىلۋ جۇيەسىنە ارنالعان اليۋميني رادياتورلارىن، ەدەن ارالىق جىلىتۋ كونۆەكتورى (تەپلىي پول), گاز قازاندىقتارىن شىعاراتىن الەمدىك ستاندارتقا ساي كاسىپورىن سالۋعا نيەتتى. جوبانىڭ جالپى قۇنى 10 ملن. اقش دوللارىن قۇرايدى.
وبلىس اكىمى دارحان امانگەلدىۇلى قوناقتارعا الدىمەن ءوڭىردىڭ الەۋمەتتىك ەكونوميكالىق دامۋى جايىندا ايتىپ بەردى. ونىڭ بارىسىندا قىتايلىقتار ءۇشىن ءتيىمدى تۇستارىنا باسا نازار اۋدارىلدى. ول مەملەكەت باسشىسى قاسىم-جومارت توقاەۆتىڭ اۋىل شارۋاشىلىعى سالاسىنا، قايتا وڭدەۋ ءىسىن دامىتۋعا، جاڭا وندىرىستىك جوبالاردى جۇزەگە اسىرۋعا ەرەكشە باسىمدىق بەرىپ جاتقانىن اتاپ ءوتتى. ءوڭىردىڭ ەرەكشەلىكتەرىنە توقتالىپ، جاقىندا بولعان قىتاي ساپارى ناتيجەسىندە جۇزەگە اساتىن بىرلەسكەن جوبالارمەن ءبولىستى. جاڭا جوبالاردى جان-جاقتى قولداۋعا، مەملەكەت تاراپىنان كورسەتىلۋى ءتيىس قولداۋلاردى ۇسىنۋعا ءازىر ەكەنىن ءبىلدىردى.
تاراپتار ينفراقۇرىلىمدى دامىتۋ جۇمىستارىن تالقىلادى. وبلىس باسشىسى تۇركىستان وڭىرىندە جۇزەگە اسىپ جاتقان اۋقىمدى جوبالارعا توقتالدى.
ءوز كەزەگىندە قىتاي ينۆەستورى تۇركىستان ءوڭىرىنىڭ دامۋ باعىتىن جوعارى باعالاپ، «ءبىر بەلدەۋ، ءبىر جول» جوباسى اياسىندا جاڭا جوبانى ىسكە اسىرۋعا دايىن ەكەنىن ايتتى. زاۋىت ءونىمى حالىق سۇراناسىنا وراي جۇزەگە اسىرىلاتىنىن اتاپ ءوتتى.
