ۇلتتىق ۇلان اسكەري قىزمەتشىسىنىڭ قازاسىنا بايلانىستى ءىىم مالىمدەمە جاسادى، دەپ حابارلايدى «ادىرنا» ۇلتتىق پورتالى.
«وسى فاكت بويىنشا ورتالىق وڭىرلىك اسكەري-تەرگەۋ باسقارماسى ءوزىن-ءوزى ولتىرۋگە دەيىن جەتكىزۋ فاكتىسى بويىنشا سوتقا دەيىنگى تەرگەپ-تەكسەرۋدى باستادى، ونى تەرگەۋ تاجىريبەلى قىزمەتكەرلەردەن قۇرىلعان جەدەل-تەرگەۋ توبىنا تاپسىرىلدى. قازىرگى ۋاقىتتا وقيعا ورنى قارالىپ، سوت-مەديتسينالىق ساراپتاماسى تاعايىندالدى. ايعاقتار، اتاپ ايتقاندا قازا تاپقان اسكەري قىزمەتشىنىڭ ۇيالى تەلەفونى مەن بەينەباقىلاۋ كامەرالارىنىڭ جازبالارى الىندى. تەرگەۋ بارىسىندا قاتارداعى سۇلتانوۆتىڭ وقيعا ورنىندا جالعىز بولعانى انىقتالدى. وقيعانىڭ بارلىق ءمان-جايىن انىقتاۋ جانە تەرگەۋدىڭ جان-جاقتىلىعىن قامتاماسىز ەتۋ ءۇشىن سۇلتانوۆتىڭ اسكەري ارىپتەستەرىنەن، ونىڭ كومانديرلەرىنەن، باسقا ادامداردان جاۋاپ الۋ، سونداي-اق ءتيىستى كەشەندى ساراپتامالىق زەرتتەۋ شارالارى جۇرگىزىلۋدە. جابىرلەنۋشى جاقتىڭ ۋاجدەرى دە تولىق تەكسەرىلەدى. الدىن-الا تەرگەۋ ناتيجەلەرى بويىنشا وقيعاعا قۇقىقتىق باعا بەرىلەدى. تەرگەۋ بارىسى ەرەكشە باقىلاۋدا»، – دەدى قر ءىىم اسكەري-تەرگەۋ دەپارتامەنتىنىڭ باستىعى سەرىكباي قۇسايىنوۆ.بۇدان وزگە اقپارات تەرگەۋ مۇددەسىندە قىلمىستىق-پروتسەستىك كودەكستىڭ 201-بابىنا سايكەس جاريا ەتىلمەيدى. ەسكە سالساق، 9 قازاندا تۇنگى ساعات 01:00-دە ۇلتتىق ۇلان 6636 اسكەري ءبولىمىنىڭ مەرزىمدى اسكەري قىزمەتكەرى قاتارداعى سۇلتانوۆ كەزەكشى بولىمشەنىڭ قۇرامىندا بولا تۇرا، بەكىتىلگەن شتاتتىق قارۋمەن ءوزىن-ءوزى باستان اتىپ، قازا تاپقانىن جازعان ەدىك.
ۇقساس جاڭالىقتار
