9 қазан күні Астанада Ұлттық ұланның әскери қызметкері қайтыс болды. Бұл туралы Ұлттық ұланның баспасөз қызметі жазды, деп хабарлайды «Адырна» ұлттық порталы.
Ұлттық ұланның баспасөз мәліметіне сәйкес, 6636 әскери бөлімнің әскери қызметшісі қатардағы Қайсар Сұлтанов әскери қалашықты күзету жөніндегі кезекші бөлімшенің құрамында болған.
«Сағат 01:20 шамасында штаб бойынша кезекші және бөлімше командирі қызметті тексеру кезінде қатардағы Сұлтановтың өз бекетінде басына оқ атып, жаралы жатқанын байқады. Сарбаз жедел жәрдем жеткенше көз жұмды», – деп мәлімдеді ұлттық ұланның баспасөз қызметі.
Қазіргі таңда оқиғаға қатысты қызметтік тергеу жүргізіліп, мән-жайы анықталып жатыр.
«Адырна» ұлттық порталы
