«سەرگەك» كامەرالارىنا تاعى قانداي زاڭبۇزۋشىلىقتار تىركەلەتىنىن بەلگىلى بولدى، دەپ حابارلايدى «ادىرنا» ۇلتتىق پورتالى ىشكى ىستەر مينيسترلىگىنىڭ اكىمشىلىك پوليتسيا كوميتەتىنە سىلتەمە جاساپ.
ءىىم اكىمشىلىك پوليتسيا كوميتەتىنىڭ توراعاسى قايسار سۇلتانباەۆتىڭ ايتۋىنشا، الماتى مەن استانادا قۇقىق بۇزۋشىلىقتىڭ جاڭا تۇرلەرى بويىنشا پيلوتتىق جوبا قازىردىڭ وزىندە ىسكە قوسىلعان.
«ءبىز قازىردىڭ وزىندە پيلوتتىق جوبانى قولدانىپ جاتىرمىز. پيلوتتىق رەجيمدە كەيبىر قالالارىندا، الماتى مەن استانادا وسىنداي جۇمىستاردى جۇرگىزىپ جاتىرمىز. پيلوتتىق جوبانى اياقتاعاننان كەيىن بۇل ماسەلەنى شەشۋگە تىرىسامىز. سونىڭ ىشىندە ۇيالى تەلەفون، قاۋىپسىزدىك بەلدىكتەرىن پايدالانۋ. ءبىز مۇنداي زاڭبۇزۋشىلىقتاردى الداعى ۋاقىتتا "سەرگەك" ارقىلى انىقتايمىز»، - دەدى سۇلتانباەۆ وكق بريفينگىندە.
«مىسالى، ەگەر كولىك جاياۋ جۇرگىنشىدەن كەيىن جۇرسە، بۇل جول ەرەجەسىن بۇزۋ بولىپ سانالمايدى. الايدا، ەگەر جۇرگىزۋشى جاياۋ جۇرگىنشىگە جول بەرمەسە جانە توقتاماسا، وعان ايىپپۇل سالىنادى»، - دەپ ناقتىلادى ءىىم.
سونىمەن قاتار، پيلوتتىق رەجيمدەگى ينتەللەكتۋالدى جۇيە جۇرگىزۋشى مەن كولىك قۇرالىنىڭ الدىڭعى ورىندىقتارىنىڭ جولاۋشىلارىندا بەكىتىلمەگەن قاۋىپسىزدىك بەلدىگى سياقتى جول ەرەجەلەرىن بۇزۋدى تىركەي باستايدى.
«ادىرنا» ۇلتتىق پورتالى
