بۇگىن پرەزيدەنت اكىمشىلىگىنىڭ كەلىسىمىمەن اتىراۋ وبلىسى اكىمى اپپاراتىنىڭ باسشىسى لاۋازىمىنا نۇرلىبەك جەڭىسبەكۇلى تاعايىندالدى. بۇل تۋرالى وبلىس اكىمى مالىمدەدى، دەپ حابارلايدى “ادىرنا” ۇلتتىق پورتالى.
وبلىس اكىمى سەرىك شاپكەنوۆ اپپارات ۇجىمىنا جاڭا باسشىنى تانىستىردى.
ايتا كەتەيىك، نۇرلىبەك جەڭىسبەكۇلى 1988 جىلى تۋعان. اباي اتىنداعى ۇلتتىق پەداگوگيكالىق ۋنيۆەرسيتەتىنىڭ فيلولوگيا فاكۋلتەتىن بىتىرگەن. رەسەي فەدەراتسياسىنىڭ پرەزيدەنتى جانىنداعى رەسەي مەملەكەتتىك قىزمەت اكادەمياسىنان حالىقارالىق قاتىناستار ماگيسترى دارەجەسىن العان. پرەزيدەنتتىك جاستار كادرلىق رەزەرۆىنىڭ مۇشەسى.
ەڭبەك جولىن 2006 جىلى «قازاقستان» تەلەارناسىندا ءتىلشى بولىپ باستاعان. ءار جىلدارى وبلىستىق جانە رەسپۋبليكالىق تەلەارنالاردا رەداكتور، ساراپشى قىزمەتىن اتقارعان. 2013-2017 جىلدار ارالىعىندا شىمكەنت قالاسى جانە وڭتۇستىك قازاقستان وبلىسى اكىمدەرىنىڭ ءباسپاسوز حاتشىسى، كەڭەسشىسى بولعان.
2017 جىلى ەڭبەك جانە حالىقتى الەۋمەتتىك قورعاۋ ءمينيسترىنىڭ ءباسپاسوز حاتشىسى، 2018 جىلى ەنەرگەتيكا مينيسترلىگى ستراتەگيالىق جانە اقپاراتتىق دامۋ دەپارتامەنتى ديرەكتورىنىڭ ورىنباسارى، 2020-2022 جىلدارى ارالىعىندا استانا قالاسى اكىمى اپپاراتى باسشىسىنىڭ ورىنباسارى، 2022 جىلدىڭ اقپان ايىنان وسى تاعايىنداۋعا دەيىن اقپارات جانە قوعامدىق دامۋ مينيسترلىگى اقپارات كوميتەتى توراعاسىنىڭ ورىنباسارى لاۋازىمىن اتقارعان.
