Izraıl armııasy Gaza shekarasyna jaqyn jerde turatyn barlyq azamattardy evakýaııalaý operaııasyn bastamaq, dep habarlaıdy "Adyrna" tilshisi ntv.ru basylymyna silteme jasap.
Izraıl qorǵanys armııasy Gaza sektorynyń turǵyndaryn Palestına-Izraıl qaqtyǵysynyń kúsheıýi saldarynan úılerden ketýge shaqyrdy.
Bul týraly Izraıl qorǵanys armııasynyń ókili Avıchaı Adraı tıisti málimdeme jasady.
«Sizdiń qaýipsizdigińiz úshin siz dereý turǵylyqty jerińizdi tastap, ketýińiz kerek", - dedi Times of Israel gazetine.
Senbi kúni tańerteń Izraıl Gaza sektorynan buryn-sońdy bolmaǵan zymyran shabýylyna ushyrady. Izraıl armııasynyń baspasóz qyzmeti 3 myńnan astam zymyran ushyrylǵanyn aıtady.
Sonymen qatar, ondaǵan HAMAS jaýyngerleri Izraıldiń ońtústigindegi shekaralas aımaqtarǵa kirgeni týraly jazǵan edik.
Izraıldiń soltústik aýdandarynan oq atqany úshin jaýapkershilikti Hezbolla uıymy óz moınyna aldy.
7 qazanda Izraıl premer-mınıstri Benıamın Netanıahý Izraıl men HAMAS arasynda keń aýqymdy soǵys bastalǵanyn jarııalady.
Jerusalem Post gazeti Palestına-Izraıl qaqtyǵysynyń órshýi kezinde Izraılde qaza tapqandar sany 300-den asyp, 1,5 myńnan astam adam zardap shekkenin habarlaǵan.
Palestına Densaýlyq saqtaý mınıstrliginiń sońǵy málimetterine sáıkes, Izraıldiń Gaza sektoryna jasaǵan soqqylarynan qaza tapqandar sany 232-ge deıin ósse, 1,7 myńǵa jýyq adam zardap shekken.
