پرەزيدەنت قاسىم-جومارت توقاەۆ قاتار استاناسى دوحادا يزرايل بيلىگى جاساعان اسكەري اكتسيانى ايىپتايدى. بۇل تۋرالى اقوردانىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
«قانداي ماقساتتى كوزدەسە دە، مۇنداي ارەكەتكە جول بەرۋگە بولمايدى. بۇل قاتار مەملەكەتىنىڭ ەگەمەندىك قۇقىعىن بۇزادى جانە حالىقارالىق قۇقىق قاعيداتتارىنا قايشى كەلەدى»،—دەلىنگەن حابارلامادا.
ايتا كەتەيىك، بۇگىن يزرايل اسكەرى دوحاعا شابۋىل جاساعان بولاتىن. يزرايل بيلىگىنىڭ مالىمدەمەسىندە دوحادا ورنالاسقان حاماس ۇيىمىنىڭ شتابىنا سوققى جاسالعانى ايتىلعان. Aljazeera تەلەارناسىنىڭ مالىمەتىنشە، قالادا بولعان حاماس-تىڭ جوعارى لاۋازىمدى وكىلدەرىنە شابۋىل جاسالعان.
ۇقساس جاڭالىقتار
