نۇر-سۇلتان اكىمدىگى «اق جول» پارتياسىنىڭ 31 مامىر رەپرەسسيا قۇرباندارىن ەسكە الۋ كۇنى ميتينگ وتكىزۋ تۋرالى وتىنىشىنە كەلىسىم بەرمەدى، دەپ حابارلايدى پارتيانىڭ ءباسپاسوز قىزمەتى.
«اق جول» پارتياسى رەپرەسسيا جانە اشتىق قۇرباندارىن ەسكە الۋ ماقساتىندا 31 مامىردا بەيبىت شەرۋ وتكىزۋگە رۇقسات بەرۋدى وتىنگەن. ءوز وتىنىشىندە پارتيا ەكى ءتۇرلى نۇسقانى ۇسىنعان: ءبىرىنشىسى، پارتيا مۇشەلەرىنىڭ قاتىسۋىمەن ميتينگ، ەكىنشىسى، جەكە ءسوز سويلەيتىن ازاماتتارسىز، قۇرباندار قۇرمەتىنە ءبىر مينۋت ۇنسىزدىكپەن شەرۋدى باستاۋ.
پارتيانىڭ جازۋىنشا، شەرۋ 2-3 ساعاتقا سوزىلۋى جانە وعان 3000 ادام قاتىسۋى مۇمكىن بولعان. شەرۋ مارشرۋتىن اكىمشىلىك تاڭدايدى دەپ ويلاعان.
بۇگىن اكىمشىلىك بۇل وتىنىشكە كەلىسىم بەرمەگەنى بەلگىلى بولدى. سەبەبى وتىنىشتە ۇيىمداستىرۋشىلاردىڭ اتى-ءجونى، ولاردىڭ تۇرعىلىقتى مەكەن-جايى، جۇمىسى، شەرۋدىڭ ماقساتى، فورماسى جانە وتەتىن ورنى بەلگىلەنبەگەن.
«ءوتىنىش حاتتىڭ قاناعاتتاردىرىلماۋ سەبەبى حات نورماتيۆتىك-قۇقىقتىق اكتىلەرگە ساي جاسالماعان»، - دەلىنگەن اكىمشىلىك جاۋابىندا.
