2023 jyldyń 8 aıynda shamamen 6,8 mln ákimshilik quqyq buzýshylyq tirkelgen. Bul týraly Bas prokýratýranyń Quqyqtyq statıstıka jáne arnaıy esepke alý komıteti jarııalady, dep habarlaıdy «Adyrna» ulttyq portaly.
«5,5 mln quqyq buzýshyǵa 128,2 mlrd teńge kóleminde aıyppul salynyp, onyń 88,3 mlrd teńgesi óndirildi. Óz kezeginde aıyppuldardyń basym bóligi nemese 4,6 mln aıyppul alǵashqy 7 táýlik ishinde 44,1 mlrd teńge somasyna 50% jeńildikpen tólendi. Aǵymdaǵy jyldyń ótken kezeńinde ákimshilik aıyppuldardy óndirip alý kórsetkishi 68,8% qurady», – delingen habarlamada.
Eń kóp aıyppul salynǵan qalalar:
Almatyda – 16,8 mlrd teńge somasyna 1 mln quqyq buzýshylyq, 12,7 mlrd teńge tólendi.
Astanada – 12,7 mlrd teńge somasyna 800 myń quqyq buzýshylyq, 8,6 mlrd teńge tólendi.
Eń az Pavlodar oblysynda 11,8 mlrd teńge somasyna 92 myń aıyppul salynǵan, onyń 11,3 mlrd teńgesi tólengen.
Barlyq ákimshilik quqyqbuzýshylyqtardyń 95%-yn ishki ister organdary anyqtaǵan.
Ishki ister organdary 5,3 mln quqyq buzýshyǵa shamamen 68,4 mlrd teńge kóleminde aıyppul salǵan, onyń ishinde memleket bıýdjetine 51,7 mlrd teńge túsken.
Aıyppuldardyń negizgi bóligin foto-beınetirkeý kameralarymen tirkelgen quqyq buzýshylyqtar qurady, olar boıynsha 38,1 mlrd teńge somasyna 3,4 mln astam uıǵarym shyǵaryldy.
«Adyrna» ulttyq portaly.
