«قايرات» فۋتبول كلۋبىنىڭ باس باپكەرى رافاەل ۋرازباحتين كومانداسىنىڭ ليگا چەمپيوناتى ماتچتارىن وتكىزۋ ءۇشىن الماتىداعى تومەن تەمپەراتۋرالارعا توتەپ بەرەتىنىن مالىمدەدى، دەپ حابارلايدى "ادىرنا" ۇلتتىق پورتالى Vesti.kz سايتىنا سىلتەمە جاساپ.
ورتالىق ستاديوندا ءوتۋى ءتيىس ويىندى «استانا ارەناعا» اۋىسۋى مۇمكىن ەكەنى تۋرالى اقپارات تارالدى.
باس باپكەردىڭ ايتۋىنشا، بۇل شەشىم ەڭ الدىمەن جانكۇيەرلەردىڭ ىڭعايلىلىعى ءۇشىن جاسالۋى مۇمكىن.
«ارينە، نەگىزگى نازار ءبىزدىڭ جانكۇيەرلەردە. الماتىدا اۋا رايى مينۋسقا تۇسسە، بارلىعى كەلە بەرمەيدى. فۋتبولشىلار بۇل جاعدايعا توتەپ بەرەدى، بىراق جانكۇيەرلەردىڭ ىڭعايلى بولۋى ماڭىزدى، سوندىقتان جاعداي جاساۋ كەرەك»، — دەدى ۋرازباحتين Vesti.kz-كە بەرگەن سۇحباتىندا.
الماتىلىق "قايرات" ءوز ەلىندە ەكى بىردەي شەتەلدىك قۇرامامەن وينايدى. فۋتبولشىلار 9 جەلتوقساندا «وليمپياكوس» (گرەتسيا), ال 20 قاڭتاردا «بريۋگگە» (بەلگيا) كومانداسىمەن ماتچ وتكىزەدى.
