قىزىلوردا قالاسىنداعى №375 سايلاۋ ۋچاسكەسىندە رەفەرەندۋم اياسىندا ەرەكشە ءارى مازمۇندى اكتسيا ۇيىمداستىرىلدى.
قازاق حاندارى قاسىم حان، ەسىم حان جانە تاۋكە حان بەينەسىندەگى ازاماتتار ءبىر مەزەتتە داۋىس بەردى.
تاريحتان بەلگىلى، قاسىم حاننىڭ «قاسقا جولى»، ەسىم حاننىڭ «ەسكى جولى»، تاۋكە حاننىڭ «جەتى جارعىسى» قازاق حالقىن بىرلىككە ۇيىستىرىپ، مەملەكەتتىلىكتىڭ بەرىك نەگىزىن قالاعان زاڭدار جۇيەسى بولدى. بۇگىنگى اتا زاڭ دا سول بابالار سالعان سارا جولدى جالعاپ، قازاقستاننىڭ بولاشاعىن ايقىندايتىن ماڭىزدى قۇجات ەكەنى ءسوزسىز.
شارانىڭ ماقساتى ازاماتتاردىڭ ساياسي بەلسەندىلىگىن ارتتىرۋ جانە ەل بولاشاعىنا قاتىستى ماڭىزدى شەشىم قابىلداۋدا ءاربىر تۇرعىننىڭ داۋىس بەرۋىنىڭ ماڭىزىن كورسەتۋ.
ايتا كەتەيىك، قىزىلوردا قالاسىنداعى سايلاۋ ۋچاسكەلەرىندە رەفەرەندۋم تالاپتارىنا سايكەس داۋىس بەرۋ پروتسەسى اشىق، زاڭ تالاپتارىنا ساي ءارى جوعارى دەڭگەيدە ۇيىمداستىرىلعان. قالا تۇرعىندارى ءوز تاڭداۋلارىن جاساپ، ەل بولاشاعىنا قاتىستى ماڭىزدى ساياسي ناۋقانعا بەلسەندى قاتىسۋدا.
