شۆەيتساريانىڭ باس پروكۋراتۋراسى وزبەكستاننىڭ بۇرىنعى پرەزيدەنتىنىڭ قىزى گۇلنارا كاريموۆاعا قىلمىستىق ۇيىمعا قاتىسقانى، قىلمىستىق كىرىستەردى زاڭداستىرعانى، مەملەكەتتىك قىزمەتشى رەتىندە پارا العانى جانە قۇجاتتاردى قولدان جاساعانى ءۇشىن ايىپ تاعىپ وتىر، دەپ حابارلايدى "ادىرنا" ءتىلشىسى bbc-گە سىلتەمە جاساپ.
پروكۋرورلاردىڭ ايتۋىنشا، 51 جاستاعى كاريموۆا سىبايلاس جەمقورلىق، الاياقتىق جانە ۇيىمداسقان قىلمىس تۋرالى كەڭ اۋقىمدى ءىستىڭ باستى قاتىسۋشىسى بولعان. ول وزبەكستاندا جۇزدەگەن ميلليون دوللار ۇرلاپ، بۇكىل الەم بويىنشا كومپانيا باسشىلارى مەن مەملەكەتتىك قىزمەتكەرلەرگە جۇيەلى تۇردە پارا بەردى دەپ ايىپتالۋدا.
تەرگەۋ ناتيجەسىندە شۆەيتساريا بيلىگى وزبەكستانعا قايتارىلۋى ءتيىس 340 ميلليون شۆەيتساريالىق فرانكتان (رەد. 370 ميلليون اقش دوللارى) استام اكتيۆتەرىن تاركىلەگەن.
شۆەيتساريالىق ادۆوكات قورعاۋىنداعى كاريموۆانى "بارلىق ايىپتاۋلارعا قارسى شىعىپ، اقتاۋ ءۇشىن كۇرەسەتىنىن"ايتتى.
ۇلىبريتانيا بيلىگى گۇلنارا كاريموۆانىڭ مۇلكىن تاركىلەدى. گۇلنارا كاريموۆانىڭ اكەسى، وزبەكستاننىڭ بۇرىنعى باسشىسى يسلام كارىموۆتىڭ قىزى.
ەستەرىڭىزگە سالا كەتەيىك، كاريموۆا وزبەكستاننىڭ اتىنان بۇۇ ديپلوماتى رەتىندە بۇكىل الەم بويىنشا كوپ ساياحاتتادى.
2016 جىلى يسلام كارىموۆتىڭ ولىمىنەن كەيىن ول قوعامدىق ومىردەن الىستاپ كەتكەن ەدى. قازىر گۇلنارا وزبەكستانداعى تۇرمەدە وتىر. الاياقتىق پەن اقشانى جىمقىرعانى ءۇشىن 13 جىلعا باس بوستاندىعىنان ايىرىلعان.
