وزبەكستاندا مەملەكەتتىك قىزمەتكەرلەر ۇنەمى ۇلتتىق كيىم كيىپ جۇرۋگە مىندەتتەلدى. تاشكەنت حوكيمى شاۆكات ومىرزاقوۆ 21 قاڭتاردا وزبەكستان استاناسىندا ۇلتتىق بىرەگەيلىك پەن مادەنيەتتى ىلگەرىلەتۋ جونىندەگى قوسىمشا شارالار شەشىمىنە قول قويدى، دەپ حابارلايدى “ادىرنا” ۇلتتىق پورتالى UzNews سايتىنا سايتىنا سىلتەمە جاساپ.
قۇجاتقا سايكەس، ۇلتتىق بىرەگەيلىكتى كەڭىنەن ناسيحاتتايتىن جۇمىس توبى قۇرىلىپ، "ۇلتتىق تاشكەنت" جوباسى بەكىتىلگەن.
ۇلتتىق قۇندىلىقتاردى ىلگەرىلەتۋ جونىندەگى شارالار قاتارىندا:
- ۇلتتىق كيىم كۇنى - ءار جۇما سايىن مەملەكەتتىك كاسىپورىنداردىڭ، مەكەمەلەر مەن ۇيىمداردىڭ بارلىق قىزمەتكەرلەرى ءۇشىن;
- مەملەكەتتىك مەكەمەلەر قىزمەتكەرلەرى مەن حوكيمياتتار ءۇشىن جۇمىس كۇندەرى ۇلتتىق كيىم كيۋ بويىنشا ۇسىنىس;
- سىيلىقتار مەن ديپلومدارمەن ۇزدىك ۇلتتىق كيىمدەردى كورسەتۋ، ۇلتتىق بيلەر، ويىندار مەن اندەر سياقتى كونكۋرستار وتكىزۋ;
- ۇيىمدار مەن مەكەمەلەر قىزمەتكەرلەرى اراسىندا "ۇلتتىق كيىم-كەشەك بارىنە بەتپە-بەت" چەللەندجىن جانە "ۇلتتىق قۇندىلىقتاردى ۇزدىك تانىمال ەتۋشى" كونكۋرسىن وتكىزۋ;
- ۇلتتىق كيىم دۇكەندەرىن، قولونەر بۇيىمدارىنىڭ جارمەڭكەلەرىن، ۇلتتىق ستيلدەگى مەيرامحانالاردى جانە باسقا دا قىزمەت كورسەتۋ وبەكتىلەرىن دامىتۋ ءۇشىن جاعداي جاساۋ;
- ۇلتتىق كيىمدەردى تىگۋ جانە جوبالاۋ بويىنشا وقۋ ورتالىقتارىن اشۋ جانە قولونەرشىلەردىڭ شەبەرلىگىن ارتتىرۋ ءۇشىن سەمينارلار وتكىزۋ;
- قوعامدىق كولىكتە ۇلتتىق بىرەگەيلىكتى ناسيحاتتايتىن فوتو جانە بەينەماتەريالداردى ورنالاستىرۋ.
- سونىمەن قاتار، "تاشكەنت جاستاردى جاقسى كورەدى" جوباسى اياسىندا جاستاردى مادەني ومىرگە تارتۋ جانە ءداستۇرلى قۇندىلىقتاردى نىعايتۋ ماقساتىندا "ۇلتتىق تاشكەنت" برەندىمەن ويىن-ساۋىق كونتسەرتتەرى ۇيىمداستىرىلادى.
تاشكەنتتىڭ ءاربىر جالپى ءبىلىم بەرەتىن مەكتەپتە ۇلگىلى "ۇلتتىق وزبەك سىنىبى" اشىلادى.
سونداي-اق، قىسقا مەتراجدى الەۋمەتتىك روليكتەردى، بلوگتار مەن فلەشموبتاردى، ۇلتتىق كيىم فەستيۆالىن، "تاشكەنتكە قوش كەلدىڭىز" گاسترونوميالىق فەستيۆالىن جانە باسقا دا ءىس-شارالاردى جاساۋعا ارنالعان "تاشكەنتتە ۇلتتىق بىرەگەيلىك ترەندتە" كونكۋرسىن وتكىزۋ جوسپارلانعان.
