قازاقستان مەن وزبەكستان بايقوڭىر عارىش ايلاعى مەن يندۋستريالىق ءتۋريزمدى دامىتۋدى ماقسات ەتىپ، بىرلەسكەن تۋريستىك مارشرۋت ازىرلەۋدە، دەپ حابارلايدى «ادىرنا» ءتىلشىسى UzDaily-گە سىلتەمە جاساپ.
قازاقستان تاراپىنان وزبەكستاننىڭ تۋريستىك سالاسى مەن كاسىپكەرلىك قاۋىمداستىعىنا ىنتىماقتاستىق ۇسىنىلىپ، قىزىلوردا وبلىسىنىڭ تۋريستىك الەۋەتىن كورسەتۋگە ەرەكشە نازار اۋدارىلعان.
باستامانىڭ نەگىزگى ەلەمەنتى – قىزىلوردا وبلىسىندا ورنالاسقان بايقوڭىر عارىش ايلاعىن ارالاۋعا بايلانىستى بىرلەسكەن تۋريستىك جوبالاردى جاساۋ.
ۇسىنىلىپ وتىرعان مارشرۋت «سويۋز» زىمىران-تاسىعىشىن مونتاجداۋ جانە سىناۋ جۇمىستارىن باقىلاۋدى، زىمىراندى ستارت كەشەنىنە تاسىمالداۋ جانە ورناتۋ كەزەڭدەرىن كورۋدى، عارىش ايلاعىنىڭ مۇراجايلارى مەن تاريحي نىساندارىن ارالاۋدى، سونداي-اق بەلگىلەنگەن كۇندەردە زىمىراننىڭ ۇشىرىلۋىن تىكەلەي باقىلاۋدى قامتيدى.
1 جىل ىشىندە بايقوڭىردان عارىشقا بىرنەشە زىمىران ۇشىرىلاتىنى اتاپ ءوتىلدى، ال ولارعا قاتىسۋ تەك الدىن الا تىركەلگەن جاعدايدا مۇمكىن بولادى.
قازاقستان تۋروپەراتورلارمەن بىرلەسە وتىرىپ، بىرىككەن تۋريستىك پاكەتتەر قۇرۋعا، عارىشتىق جانە يندۋستريالىق تۋريزم باعىتتارىن دامىتىپ، ەكى ەل اراسىنداعى تۋريستىك الماسۋدى كەڭەيتۋگە دايىن ەكەنىن مالىمدەدى.
