Shveıarııanyń Bas prokýratýrasy Ózbekstannyń burynǵy prezıdentiniń qyzy Gúlnara Karımovaǵa qylmystyq uıymǵa qatysqany, qylmystyq kiristerdi zańdastyrǵany, memlekettik qyzmetshi retinde para alǵany jáne qujattardy qoldan jasaǵany úshin aıyp taǵyp otyr, dep habarlaıdy "Adyrna" tilshisi bbc-ge silteme jasap.
Prokýrorlardyń aıtýynsha, 51 jastaǵy Karımova sybaılas jemqorlyq, alaıaqtyq jáne uıymdasqan qylmys týraly keń aýqymdy istiń basty qatysýshysy bolǵan. Ol Ózbekstanda júzdegen mıllıon dollar urlap, búkil álem boıynsha kompanııa basshylary men memlekettik qyzmetkerlerge júıeli túrde para berdi dep aıyptalýda.
Tergeý nátıjesinde Shveıarııa bıligi Ózbekstanǵa qaıtarylýy tıis 340 mıllıon shveıarııalyq franktan (red. 370 mıllıon AQSh dollary) astam aktıvterin tárkilegen.
Shveıarııalyq advokat qorǵaýyndaǵy Karımovany "barlyq aıyptaýlarǵa qarsy shyǵyp, aqtaý úshin kúresetinin"aıtty.
Ulybrıtanııa bıligi Gúlnara Karımovanyń múlkin tárkiledi. Gúlnara Karımovanyń ákesi, Ózbekstannyń burynǵy basshysy Islam Kárimovtyń qyzy.
Esterińizge sala keteıik, Karımova Ózbekstannyń atynan BUU dıplomaty retinde búkil álem boıynsha kóp saıahattady.
2016 jyly Islam Kárimovtiń óliminen keıin ol qoǵamdyq ómirden alystap ketken edi. Qazir Gúlnara Ózbekstandaǵy túrmede otyr. Alaıaqtyq pen aqshany jymqyrǵany úshin 13 jylǵa bas bostandyǵynan aıyrylǵan.
