وزبەكستان كونستيتۋتسياسىنا وزگەرىستەر مەن تۇزەتۋلەر ەڭگىزۋ بويىنشا جالپىحالىقتىق رەفەرەندۋم وتكىزبەك. داۋىس بەرۋ 2023 جىلدىڭ كوكتەمىنە جوسپارلانۋدا، دەپ حابارلايدى “ادىرنا” ۇلتتىق پورتالى.
«وزودليك» راديوسى 21 جەلتوقساندا ۇكىمەتتەگى دەرەككوزدەرگە سىلتەمە جاساپ، داۋىس بەرۋ ناۋرىزدان كەيىن وتەتىنىن حابارلاعان ەدى.
سونداي-اق، داۋىس بەرۋگە ەۋروپالىق وداق، ۇلىبريتانيا جانە اقش باقىلاۋشىلارى شاقىرىلعانىن مالىمدەدى.
ەڭ كورنەكتى تۇزەتۋ – پرەزيدەنتتىك وكىلەتتىك مەرزىمىن بەس جىلدان جەتى جىلعا دەيىن ۇزارتۋ. ەگەر جاڭا كونستيتۋتسيا قابىلداناتىن بولسا، قازىرگى مەملەكەت باسشىسى شاۆكات ميرزياەۆتىڭ وسىعان دەيىن سايلاۋعا تۇسكەن كەزەڭدەرى جويىلادى. ونىڭ قايتا پرەزيدەنت سايلاۋىنا تۇسۋىنە مۇمكىندىك تۋادى.
رەفەرەندۋم وسى جىلدىڭ سوڭىندا وتەدى دەپ كۇتىلگەن ەدى. بىراق شىلدە ايىنىڭ باسىندا قاراقالپاقستان رەسپۋبليكاسىنداعى تولقۋلار سالدارىنان بۇل جوسپار جۇزەگە اسپادى.
وزبەكستان ورتالىق سايلاۋ كوميسسياسى ازىرگە رەفەرەندۋم وتكىزەتىن كۇندى بەلگىلەگەن جوق.
