"قازگيدرومەت" سينوپتيكتەرى 2019 جىلدىڭ 9-13 مامىرىنا بولجام جاسادى.
9-13 مامىر كۇندەرى اۋا رايى قانداي بولادى
9 مامىردا قازاقستان ايماعىنىڭ باسىم بولىگىنە انتيتسيكلون مەن وڭتۇستىك-باتىس تروپوسفەرالىق اعىندار اسەر ەتىپ، اۋا رايى جىلى ءارى جاۋىن-شاشىنسىز بولادى.
الداعى ءۇش تاۋلىكتە دە اۋا رايى كۇرت قۇبىلمايدى. باتىس وبلىستاردا كۇندىز اۋا تەمپەراتۋراسى پليۋس 30…38°س دەيىن جوعارىلاپ، نايزاعاي ويناپ، وتكىنشى جاڭبىر جاۋادى. وڭتۇستىك جانە ورتالىق وڭىرلەردە كۇن جىلى ءارى جاۋىن-شاشىنسىز بولماق.
اپتانىڭ سوڭىندا سۋىق اتموسفەرالىق فرونت پەن كارسك تەڭىزىنەن كەلگەن انتيتسيكلوننىڭ اسەرىنەن سولتۇستىك، شىعىس جانە وڭتۇستىك-شىعىس وبلىستاردىڭ كەي جەرىندە وتكىنشى جاڭبىر جاۋىپ، اۋا تەمپەراتۋراسىنىڭ بىرتىندەپ تومەندەيدى.
اۋا رايى بولجامى: شىمكەنت، الماتى، نۇر-سۇلتان
نۇر-سۇلتان قالاسىندا 9 مامىردا تۇندە 15 گرادۋس جىلى بولسا، كۇندىز اۋا تەمپەراتۋراسى 29 گرادۋسقا دەيىن كوتەرىلەدى. 10-12 مامىر ارالىعىندا بىرتىندەپ تومەندەپ، 13 مامىردا تۇندە +12 گرادۋس، كۇندىز +15 گرادۋس بولادى.
الماتىدا 9-13 مامىر ارالىعىندا تۇندە اۋا تەمپەراتۋراسى +12...+16 گرادۋس بولسا، كۇندىز +24...+25 گرادۋس ارالىعىندا قۇبىلادى.
شىمكەنتتە مەرەكە كۇندەرى تۇندە 17-19 گرادۋس ارالىعىندا جىلى بولسا، كۇندىز 29-31 گرادۋس اپتاپ بولماق.
