"Qazgıdromet" sınoptıkteri 2019 jyldyń 9-13 mamyryna boljam jasady.
9-13 mamyr kúnderi aýa raıy qandaı bolady
9 mamyrda Qazaqstan aımaǵynyń basym bóligine antııklon men ońtústik-batys troposferalyq aǵyndar áser etip, aýa raıy jyly ári jaýyn-shashynsyz bolady.
Aldaǵy úsh táýlikte de aýa raıy kúrt qubylmaıdy. Batys oblystarda kúndiz aýa temperatýrasy plıýs 30…38°S deıin joǵarylap, naızaǵaı oınap, ótkinshi jańbyr jaýady. Ońtústik jáne ortalyq óńirlerde kún jyly ári jaýyn-shashynsyz bolmaq.
Aptanyń sońynda sýyq atmosferalyq front pen Karsk teńizinen kelgen antııklonnyń áserinen soltústik, shyǵys jáne ońtústik-shyǵys oblystardyń keı jerinde ótkinshi jańbyr jaýyp, aýa temperatýrasynyń birtindep tómendeıdi.
Aýa raıy boljamy: Shymkent, Almaty, Nur-Sultan
Nur-Sultan qalasynda 9 mamyrda túnde 15 gradýs jyly bolsa, kúndiz aýa temperatýrasy 29 gradýsqa deıin kóteriledi. 10-12 mamyr aralyǵynda birtindep tómendep, 13 mamyrda túnde +12 gradýs, kúndiz +15 gradýs bolady.
Almatyda 9-13 mamyr aralyǵynda túnde aýa temperatýrasy +12...+16 gradýs bolsa, kúndiz +24...+25 gradýs aralyǵynda qubylady.
Shymkentte mereke kúnderi túnde 17-19 gradýs aralyǵynda jyly bolsa, kúndiz 29-31 gradýs aptap bolmaq.
