“مەملەكەتتىك ءتىلدى مىندەتتەيتىن مەملەكەتتىك ءتىل تۋرالى زاڭ قابىلداۋعا ءتيىسپىز” دەپ قوعام بەلسەندىسى قازىبەك يسا ءوزىنىڭ الەۋمەتتىك جەلىسىندەگى پاراقشاسىندا ءبولىستى، دەپ حابارلايدى “ادىرنا” ءتىلشىسى.
قازىبەك يسا Facebook جەلىسىندەگى پاراقشاسىندا ءتىل تۋرالى زاڭ قابىلداۋ قاجەتتىگىن ايتىپ، ارنايى جازبا جاريالادى. ول 2020 جىلى اسسامبلەيادا ەلىمىزدەگى بارلىق ەتنوس وكىلدەرى «مەملەكەتتىك ءتىلدى مىندەتتەۋ كەرەك» دەپ، ارنايى رەسمي ۇندەۋ قابىلداعانىن ايتقان. ء“بىز ەندى تاعى كىمدى جانە نەنى كۇتىپ وتىرمىز؟!” دەپ اشىنعان بەلسەندى ءتىل تۋرالى زاڭنىڭ كەڭەس يمپەرياسىنان ەش وزگەرمەگەنىن جازىپ، ء“تىل تۋرالى زاڭدا” ءتىل ساياساتىن جۇزەگە اسىرۋدىڭ ەشقانداي زاڭدىلىق تەتىكتەرى ايقىندالماي، ناقتى شارالارى بەلگىلەنبەگەنىن جاسىرمادى.
“وسى تاۋەلسىزدىك العاننان كەيىن العاش قابىلدانعان ء“تىل تۋرالى زاڭدا” ءتىل ساياساتىن جۇزەگە اسىرۋدىڭ ەشقانداي زاڭدىلىق تەتىكتەرى ايقىندالماي، ناقتى شارالارى بەلگىلەنبەگەن. ال ەندى ودان بەرى 26 جىلدا- شيرەك عاسىردان استام ءبىر داۋىردە قوعام مۇلدە وزگەردى. قازىر ۇلتتىق سانامىز مۇلدە باسقا ساتىعا كوتەرىلدى. مىنە، وسى ورايدا ءتىل ساياساتىن جۇرگىزۋدىڭ جاڭا ۇلگىسىن جاساپ، جاڭا مەملەكەتتىك ءتىل تۋرالى زاڭ قابىلداۋ كەرەك. ءسوزىمىز قۇرعاق بولماس ءۇشىن
«قازاقستان رەسپۋبليكاسىنداعى تiل تۋرالى» زاڭىنىڭ ومىردە ءىس جۇزىندە ورىندالماعانىن ناقتى باپتارىن ساناپ وتىرىپ، دالەلدەپ بەرەيىك”،-دەدى.
سونداي-اق دەپۋتات قازىبەك يسا ءار باپقا جەكە توقتالىپ، ءتىل مارتەبەسىن كوتەرۋدى ۇسىندى.
“سونىمەن قاتار مەملەكەتتىك ءتىلدىڭ مارتەبەسىنە قاتىستى قپك-ءنىڭ 30-بابى، اقبتك-ءنىڭ 738- بابى بويىنشا دا قازاقستاندا قىلمىستىق، اكىمشىلىك قۇقىق بۇزۋشىلىق تۋرالى ىستەر بويىنشا ءىس جۇرگىزۋ ءتىلى قازاق تىلىندە جۇرگىزىلەدى، سوت ءىسىن جۇرگىزۋ دە مەملەكەتتىك تىلدە جۇرگىزىلۋى كەرەك.
بۇل دا 30 جىلدا ورىندالماعان زاڭ. ياعني، ءبىر سوزبەن ايتقاندا، قازاقستان رەسپۋبليكاسىنىڭ ءتىل تۋرالى زاڭناماسى ەلدىڭ ءۇمىتىن جويعان «جانسىز»، ءولى زاڭ. سوندىقتان بۇل «قازاقستان رەسپۋبليكاسىنداعى تiل تۋرالى» زاڭدى ساياسي-قوعامدىق بانكروت دەپ جاريالاۋ قاجەت! مەملەكەتتىك ءتىلدى مىندەتتەيتىن مەملەكەتتىك ءتىل تۋرالى زاڭ قابىلداۋعا ءتيىسپىز!”،-دەپ ۇندەۋ جاسادى.
