اقىن، قر ءماجىلىسىنىڭ دەپۋتاتى قازىبەك يسانىڭ جۇرەگىنە جاسالعان وتا ءساتتى ءوتتى. بۇل جايلى ونىڭ اقىن ءىنىسى ازامات تاسقاراۇلى حابارلادى، دەپ جازدى "ادىرنا" ۇلتتىق پورتالى.
ادىرنا ۇلتتىق پورتالى اقىننىڭ رەانيماتسياعا تۇسكەنىن حابارلاپ، تەز جازىلىپ كەتۋىنە تىلەكتەستىك تانىتقان ەدى. بۇگىن قازىبەك يسانىڭ جۇرەگىنە جاسالعان وتانىڭ ءساتتى وتكەنى بەلگىلى بولدى. بۇل تۋرالى ازامات تاسقاراۇلى جازدى.
- قازىبەك يسا كوكەمىزدىڭ جۇرەگىنە جاسالعان وتا ءساتتى ءوتتى. ەسىن جيىپ، دارىگەرلەر باقىلاۋىندا جاتىر. قايراتكەر كوكەمنىڭ جۇبايى ءجاننات تاتەم كەشەلى بەرى دۇعا جاساپ، تىلەكشى بوپ وتىرعان بارشا اعايىن، جارانعا دۇعاي سالەم مەن زور ريزاشىلىعىن ءبىلدىردى. اللا شيپاسىن بەرسىن! - دەپ جازدى ول.
اقىننىڭ امان-ەسەن ەكەنىن ەستىگەنىنە قۋانعان جۋرناليست تەمىرحان مومبەكۇلى دا:
- اقىن قازىبەك يسانىڭ وپەراتسياسى ءساتتى جاسالىپتى! ەندى باقىلاۋ، تىنىعۋ ساعاتتارى. بۇل جاقسى حاباردى اقىن ازامات تاسقاراۇلى ىنىمنەن ەستىدىم. جاساعان يەمىزدەن حالقىمىزدىڭ جاسامپاز پەرزەنتى، اقىن قازىبەك يسانى تەزىرەك ساۋىقتىرا كور دەپ تىلەيمىن، - دەپ تىلەكتەستىك ءبىلدىردى.
"ادىرنا" ۇلتتىق پورتالى
