سوت سەرىكجان ءبىلاشتىڭ ۇيقاماقتاعى ۋاقىتىن سوزدى

2100

5 مامىردا نۇر-سۇلتاندا تەرگەۋ سوتى "اتاجۇرت ەرىكتىلەرى" ۇيىمىنىڭ جەتەكشىسى سەرىكجان ءبىلاشتىڭ ۇيقاماقتاعى ۋاقىتىن ءبىر ايعا، ياعني 10 ماۋسىمعا دەيىن سوزدى.

سوتقا ءبىلاشتىڭ ادۆوكاتى ايمان وماروۆا الماتىدان ۆيدەوكونفەرەنتسيا ارقىلى قاتىستى. ايەلى دە سوت پروتسەسىن ادۆوكاتپەن بىرگە باقىلاپ وتىردى. وماروۆا سوتتان ءبىلاشتى نۇر-سۇلتاننان الماتىعا اۋىستىرۋدى سۇرادى. ادۆوكات ءبىلاشتىڭ الماتىدا تىركەلگەنىن، ونىڭ ايەلى مەن ەكى بالاسى وسى قالادا تۇراتىنىن ايتتى.

تەرگەۋشى مەن پروكۋرور وماروۆانىڭ شاعىمىنا قارسى شىعىپ، سوتتان ءبىلاشتى نۇر-سۇلتاندا قالدىرۋدى سۇرادى.

5 مامىردا وتكەن سوتتا سەرىكجان ءبىلاش ءسوز الىپ، وزىنە قاتىستى قوزعالعان ءىستى ساياسي تاپسىرما دەدى. ءبىلاشتىڭ سوزىنشە، 10 ناۋرىزدا ونى الماتىدان نۇر-سۇلتانعا جەتكىزگەن سوڭ قىسىم جاسالىپ، مۇحتار ابليازوۆقا (قازاقستاندا تىيىم سالىنعان قدت قوزعالىسىنىڭ جەتەكشىسى) قارسى ءسوز سويلەپ، ادۆوكاتى ايمان وماروۆادان باس تارتۋدى سۇراعان.

2019 جىلى 10 ناۋرىز تۇندە سەرىكجان ءبىلاشتى الماتىداعى قوناق ۇيلەردىڭ بىرىندە جاتقان جەرىنەن پوليتسيا وكىلدەرى ۇستاپ، نۇر-سۇلتانعا الىپ كەتكەن. كەيىن ونىڭ ۇستىنەن ءبىر ادامنىڭ "ۇلت ارازدىقتى قوزدىردى" دەپ ارىز جازعانىن، سول ارىزدىڭ نەگىزىندە ۇستالعانى حابارلانعان. 11 ناۋرىز كۇنى سوت ەكى ايعا ءۇي قاماققا الۋ تۋرالى شەشىم شىعارعان. سەرىكجان ءبىلاشتىڭ ۇستىنەن "ۇلت ارازدىقتى قوزدىرۋ" بابى بويىنشا ءىس قوزعالىپ، سوتقا دەيىنگى تەرگەپ-تەكسەرۋ ءىسى ءجۇرىپ جاتىر.

"اتاجۇرت ەرىكتىلەرى" ۇيىمى 2017 جىلدىڭ كوكتەمىنەن باستاپ بەلسەندى جۇمىس ىستەي باستادى. قىتاي بيلىگىنىڭ از ۇلتتارعا كورسەتىپ جاتقان قىسىمىنا قارسى شىعىپ، الماتىدا ءتۇرلى جيىندار مەن ءباسپاسوز ءماسليحاتىن وتكىزدى. تۋعان-تۋىستارى مەن جاقىندارى شىڭجاڭدا قاماۋدا وتىرعانداردان سۇحبات الىپ، ۆيدەولاردى Youtube جانە Facebook الەۋمەتتىك جەلىسىندەگى پاراقشالارىندا ۇزدىكسىز جاريالاپ كەلگەن.

"ازاتتىق" راديوسى

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket