5 mamyrda Nur-Sultanda tergeý soty "Atajurt eriktileri" uıymynyń jetekshisi Serikjan Biláshtiń úıqamaqtaǵy ýaqytyn bir aıǵa, ıaǵnı 10 maýsymǵa deıin sozdy.
Sotqa Biláshtiń advokaty Aıman Omarova Almatydan vıdeokonferenııa arqyly qatysty. Áıeli de sot proesin advokatpen birge baqylap otyrdy. Omarova sottan Biláshti Nur-Sultannan Almatyǵa aýystyrýdy surady. Advokat Biláshtiń Almatyda tirkelgenin, onyń áıeli men eki balasy osy qalada turatynyn aıtty.
Tergeýshi men prokýror Omarovanyń shaǵymyna qarsy shyǵyp, sottan Biláshti Nur-Sultanda qaldyrýdy surady.
5 mamyrda ótken sotta Serikjan Bilásh sóz alyp, ózine qatysty qozǵalǵan isti saıası tapsyrma dedi. Biláshtiń sózinshe, 10 naýryzda ony Almatydan Nur-Sultanǵa jetkizgen soń qysym jasalyp, Muhtar Áblıazovqa (Qazaqstanda tyıym salynǵan QDT qozǵalysynyń jetekshisi) qarsy sóz sóılep, advokaty Aıman Omarovadan bas tartýdy suraǵan.
2019 jyly 10 naýryz túnde Serikjan Biláshti Almatydaǵy qonaq úılerdiń birinde jatqan jerinen polıııa ókilderi ustap, Nur-Sultanǵa alyp ketken. Keıin onyń ústinen bir adamnyń "Ult arazdyqty qozdyrdy" dep aryz jazǵanyn, sol aryzdyń negizinde ustalǵany habarlanǵan. 11 naýryz kúni sot eki aıǵa úı qamaqqa alý týraly sheshim shyǵarǵan. Serikjan Biláshtiń ústinen "ult arazdyqty qozdyrý" baby boıynsha is qozǵalyp, sotqa deıingi tergep-tekserý isi júrip jatyr.
"Atajurt eriktileri" uıymy 2017 jyldyń kókteminen bastap belsendi jumys isteı bastady. Qytaı bıliginiń az ulttarǵa kórsetip jatqan qysymyna qarsy shyǵyp, Almatyda túrli jıyndar men baspasóz máslıhatyn ótkizdi. Týǵan-týystary men jaqyndary Shyńjańda qamaýda otyrǵandardan suhbat alyp, vıdeolardy Youtube jáne Facebook áleýmettik jelisindegi paraqshalarynda úzdiksiz jarııalap kelgen.
"Azattyq" radıosy
