ۋكراينانىڭ بۇرىنعى ەنەرگەتيكا جانە ادىلەت ءمينيسترى گەرمان گالۋششەنكو 15 اقپانعا قاراعان ءتۇنى ەلدەن كەتپەك بولعان ساتتە ۇستالدى. ول مەملەكەتتىك ەنەرگەتيكا سالاسىنداعى سىبايلاس جەمقورلىق ءىسى بويىنشا كۇدىككە ىلىنگەن، دەپ حابارلايدى “ادىرنا”.
بۇرىنعى شەنەۋنىك مەملەكەتتىك ەنەرگەتيكا سەكتورىنداعى اۋقىمدى زاڭبۇزۋشىلىقتار جونىندە ايىپتالعان. ونىڭ ۇستالعانىن ۇلتتىق انتيكوررۋپتسيالىق بيۋرو راستادى.
قۇقىق قورعاۋ ورگاندارىنىڭ مالىمەتىنشە، گالۋششەنكونى مەملەكەتتىك شەكارا قىزمەتىنىڭ قىزمەتكەرلەرى ۇلتتىق انتيكوررۋپتسيالىق بيۋرو مەن مامانداندىرىلعان انتيكوررۋپتسيالىق پروكۋراتۋرانىڭ باعدارلاماسى نەگىزىندە توقتاتقان. «ۋكراينسكايا پراۆدا» باسىلىمىنىڭ دەرەككوزدەرى ەكس-ءمينيستردىڭ شەكاراعا باعىت العان پويىزدان تۇسىرىلگەنىن حابارلادى.
گەرمان گالۋششەنكو بۇعان دەيىن ۋكراينا ەنەرگەتيكا ءمينيسترى قىزمەتىن اتقارعان، سونداي-اق ادىلەت مينيسترلىگىن باسقارعان. سىبايلاس جەمقورلىق ءىسىنىڭ ناقتى جاي-جاپسارى ازىرگە جاريا ەتىلمەدى.
