قازاقستان ءىىم ينتەرپول ۇلتتىق ورتالىق بيۋروسىنىڭ سۇراۋى بويىنشا دۋباي قالاسىندا قازاقستان رەسپۋبليكاسىنىڭ ازاماتى ۇستالدى، دەپ حابارلايدى "ادىرنا".
ول ەلىمىزدىڭ قىلمىستىق كودەكسىنىڭ 99-بابى 2-بولىگى (ادام ءولتىرۋ) بويىنشا قىلمىس جاسادى دەگەن كۇدىكپەن حالىقارالىق ىزدەۋدە جۇرگەن. كۇدىكتى «Lenovo قازاقستان» كومپانياسىنىڭ كورپوراتيۆتىك ساتۋ جونىندەگى ديرەكتورىن قاستاندىقپەن ءولتىرۋدى ۇيىمداستىردى دەگەن كۇدىككە ىلىنگەن.
قىلمىسقا تەحنيكا جەتكىزۋگە بايلانىستى الىنعان قارىزدىق مىندەتتەمەلەردى ورىنداماۋ سەبەپ بولعان.
بىلتىر كۇزدە الماتى وبلىسى اۋماعىندا كۇدىكتىنىڭ تاپسىرىسى بويىنشا ەكى قاسكوي اتالعان كىسىنى ولتىرگەن.
ايتا كەتەيىك، بۇعان دەيىن قىلمىستى جۇزەگە اسىرۋشىلار دا قاماۋعا الىنعان بولاتىن.
ۇقساس جاڭالىقتار
