جەتىسۋ وبلىسىنىڭ ەسكەلدى اۋدانىنداعى باقتىباي اۋىلىندا ءورت سالدارىنان ءۇش بالا قازا تاپتى، دەپ حابارلايدى "ادىرنا".
قايعىلى وقيعا 25 قىركۇيەك كۇنى تاڭەرتەڭ بولعان. ءتورت پاتەر ورنالاسقان باراك ۇلگىسىندەگى جەكە ۇيلەردىڭ بىرىنەن ءورت شىققان.
توتەنشە جاعداي تۋرالى حابارلاما ساعات 07:34-تە تۇسكەن. ءورت پاتەردىڭ شامامەن 70 شارشى مەتر اۋماعىن شارپىعان. قۇتقارۋشىلار قىزىل جالىندى ساعات 08:17-دە وقشاۋلاعان.
توتەنشە جاعدايلار دەپارتامەنتىنىڭ مالىمەتىنشە، ءورت كەزىندە ءۇش بالا قازا تاپقان. ولاردىڭ بىرەۋى ءبىر جاستا، قالعان ەكەۋى التى جانە سەگىز جاستا بولعان.
وقيعا ورنىنا تجد-نىڭ 16 قىزمەتكەرى مەن بەس تەحنيكا جۇمىلدىرىلدى.
قازىرگى ۋاقىتتا ءورتتىڭ شىعۋ سەبەبى مەن بالالاردىڭ قازا بولۋ ءمان-جايى انىقتالىپ جاتىر.
ايتا كەتەيىك، بۇعان دەيىن جىتىقارادا بەس بالا تۇرعىن ۇيدەن شىققان ورتتەن كوز جۇمعان.
