پرەزيدەنت ەلىمىزدە سىبايلاس جەمقورلىقپەن كۇرەس كەڭ قانات جايىپ كەلە جاتقانىن مالىمدەدى
قازاقستان پرەزيدەنتى قاسىم-جومارت توقاەۆ جەمقورلىق ماسەلەسىنە قاتىستى پىكىرىن ءبىلدىردى.
"وكىنىشكە قاراي، سىبايلاس جەمقورلىق ءالى دە ءبىزدىڭ قوعامنىڭ اۋىر دەرتى بولىپ وتىر. سىبايلاس جەمقورلىق مەملەكەتتەردىڭ كوپشىلىگىندە بار. قازاقستان دا ودان سىرت قالعان جوق. ونىمەن قالاي كۇرەسىپ جاتىر نەمەسە قالاي اشكەرەلەپ وتىر – ول باسقا ماسەلە. ءبىزدىڭ ەلىمىزگە كەلەر بولساق، سىبايلاس جەمقورلىقپەن كۇرەس جالعاسۋدا جانە كەڭ قانات جايىپ كەلەدى", - دەدى توقاەۆ.
مەملەكەت باسشىسى جاقىندا ءتيىستى ۆەدومستۆونىڭ باسشىسىن قابىلداپ، وسىعان بايلانىستى جۇمىستاردى جالعاستىرۋ جونىندە تاپسىرما بەرگەنىن اتاپ ءوتتى.
"جالپى ساندىق جانە ساپالىق تۇرعىدان العاندا جازالاۋ جونىنەن قازاقستان الەمدە كوش باسىندا تۇرعان ەلدەردىڭ ءبىرى. بايقاساڭىزدار، مەملەكەتتىك قىزمەت جۇيەسىندە جوعارى لاۋازىمدى ادامدار جاۋاپقا تارتىلعان. ولاردىڭ اراسىندا پرەمەر-مينيستر، بىرقاتار مينيسترلەر، ۆەدومستۆو باسشىلارى جانە باسقالار بار. باسقا قاي ەلدە مۇنداي جاعداي بولدى؟ ايتۋ قيىن", - دەدى قاسىم-جومارت توقاەۆ.
پرەزيدەنت ءسوز سوڭىندا وسى جۇيەلى ماسەلەنى شەشۋ ءۇشىن كۇش-جىگەرىن بارىنشا جۇمساۋعا ۋادە بەردى.
Sputnik
