ناتاليا جۇمادىلداەۆا ءبىلىم ءبىرىنشى ۆيتسە-ءمينيسترى بولىپ تاعايىندالدى، - دەپ حابارلايدى "ادىرنا" ءتىلشىسى ۇكىمەتتىڭ ءباسپاسوز قىزمەتىنە سىلتەمە جاساپ.
«ۇكىمەتتىڭ قاۋلىسىمەن ناتاليا ۆاسيلەۆنا جۇمادىلداەۆا ءبىلىم ءبىرىنشى ۆيتسە-ءمينيسترى بولىپ تاعايىندالدى»، - دەلىنگەن حابارلامادا.
جۇمادىلداەۆانىڭ ءبىلىم سالاسىندا 30 جىلدىق تاجىريبەسى بار.
1965 جىلى تۋعان. ەڭبەك جولىن 1987 جىلى باستاۋىش سىنىپ مۇعالىمى بولىپ باستاعان.
2004-2013 جىلدارى - قىزىلوردا قالاسىنداعى No112 جانە No23 قيزاتوۆ اتىنداعى ورتا مەكتەپتەردىڭ ديرەكتورى.
2013-2015 جىلدارى - قىزىلوردا قالاسى بويىنشا قالالىق ءبىلىم ءبولىمى باسشىسىنىڭ ورىنباسارى.
2015-2016 جىلدارى - قىزىلوردا قالاسىنداعى وقۋشىلار مەن جاسوسپىرىمدەر ءۇيىنىڭ ديرەكتورى.
2016-2021 جىلدارى - VI سايلانعان پارلامەنت ءماجىلىسىنىڭ دەپۋتاتى.
2021 جىلدان - «نازارباەۆ زياتكەرلىك مەكتەپتەرى» اق باسقارما توراعاسىنىڭ كەڭەسشىسى.
2022 جىلدىڭ قاراشاسىندا ءبىلىم مينيسترلىگى مەكتەپكە دەيىنگى تاربيە دەپارتامەنتىنىڭ ديرەكتورى بولىپ تاعايىندالدى.
ۇقساس جاڭالىقتار
