Наталья Жұмаділдаева білім бірінші вице-министрі болып тағайындалды, - деп хабарлайды "Адырна" тілшісі үкіметтің баспасөз қызметіне сілтеме жасап.
«Үкіметтің қаулысымен Наталья Васильевна Жұмаділдаева Білім бірінші вице-министрі болып тағайындалды», - делінген хабарламада.
Жұмаділдаеваның білім саласында 30 жылдық тәжірибесі бар.
1965 жылы туған. Еңбек жолын 1987 жылы бастауыш сынып мұғалімі болып бастаған.
2004-2013 жылдары - Қызылорда қаласындағы No112 және No23 Қизатов атындағы орта мектептердің директоры.
2013-2015 жылдары - Қызылорда қаласы бойынша қалалық білім бөлімі басшысының орынбасары.
2015-2016 жылдары - Қызылорда қаласындағы Оқушылар мен жасөспірімдер үйінің директоры.
2016-2021 жылдары - VI сайланған Парламент Мәжілісінің депутаты.
2021 жылдан - «Назарбаев Зияткерлік мектептері» АҚ басқарма төрағасының кеңесшісі.
2022 жылдың қарашасында Білім министрлігі мектепке дейінгі тәрбие департаментінің директоры болып тағайындалды.
Ұқсас жаңалықтар
