100 دەگەن ازاماتتى جۇمىسپەن قامتىپ وتىرعان زاۋىتتى جاۋىپ، بۇزىپ ۇلگەرگەن. بۇل تۋرالى “قۇرىلىس-كومەك ءححى” جشس-ءنىڭ وكىلدەرى حابارلايدى.
الماتى وبلىسى ەڭبەكشىقازاق اۋدانى قاينازار اۋىلىندا كىرپىش زاۋىتىنىڭ جۇمىسىن توقتاتىپ، ءبىر بولىگىن بۇزىپ ۇلگەرگەن. 20 جىلعا جۋىق توقتاۋسىز جۇمىس ىستەگەن ءوندىرىس ورنى مەملەكەت يگىلىگىندە بولعان. الايدا 2016 جىلدان باستاپ ءۋازىمباي جاناتنۇر ەسىمدى ازامات زاۋىتتى جالعا الىپ، جۇمىسىن جانداندىرعان. 2006 جىلدان بەرى وسى جەردە جۇمىس ىستەگەن ازامات 20 جىل بويى قاراجات جيناپ، 2 جىلدان سوڭ 2018 جىلى زاۋىتتى تولىقتاي ساتىپ العان. سول جىلى بارلىق قۇجاتتاردى دۇرىستاپ، زاڭ بويىنشا جۇمىسىن جالعاستىرعان باسشى 1 جىلدان سوڭ بيلىك تاراپىنان قىسىم كورسەتىلە باستاعانىن ايتادى:
«بۇل زاۋىتقا بار ماحاباتىمىزدى سالىپ كۇن-ءتۇن دەمەي تەر توكتىك! بار ماقساتىمىز - نارىقتاعى باعانى ءتۇسىرۋ، ارزانداتۋ، ساپانى جاكسارتۋ، كىرپىش
دەفيتسيتتىن تومەندەتۋ! (بۇرىن كىرپىش 40تگ بولسا قازىر 25 تەڭگە گە تۇسىردىك!) ەلىمىزگە، جەرىمىزگە ءبىر ءوندىرىس بولسىن جاڭارتىپ ەڭبەك ءسىڭىرۋ بولاتىن! وسى زاۋىتتى سالۋ ءۇشىن ءبىز ۇيدەگى نانىمىزدىڭ ءبىر بولىگىن جەسەك، ءبىر بولىگىن وسى زاۋىت ءۇشىن جيناعان ەدىك! ساتىپ العاندا قۇجاتتارى دۇرىس بولعان! كەيىن جىل وتە زاۋىت جاڭعىرعاندا اكىمشىلىكتەن قىسىم تۇسە باستادى! سوتتا ءبارىن جەڭدىك. الايدا ءالى كۇنگە دەيىن شاراسىزبىز»،-دەيدى.
زاۋىت باسشىلىعىنىڭ سوزىنشە، “اۋىل تۇرعىندارى قارسى” دەپ 5-6 ادام جينالىپ كەلگەن. ال سول توپتى باستاپ جۇرگەن بەرىك ەسىمدى ازامات باسشىدان 10 ملن تەڭگە اقشا تالاپ ەتكەن كورىنەدى.
9 بالاسى بار كوپبالالى اكە ناپاقاسىن وسى زاۋىتتان تاۋىپ وتىر. سونىمەن قاتار 100-گە جۋىق ازاماتتى جۇمىسپەن قامتۋعا مۇمكىندىك بولعان.
وكىلدەر اۋىلداعى 1000 وتباسىنان رۇقساتتى قاعاز تۇرىندە العانىن ايتادى. الايدا جازىلعان ارىز قارالماي، ماسەلە ءتۇيىنى شەشىلمەي تۇر. ال كىرپىشتى قولجەتىمدى باعادا ءوندىرىپ وتىرعان زاۋىت تولىق بۇزىلعان.
